一「套」難求！小米 13 Ultra 攝影套裝到貨
小米 13 Ultra 個攝影套裝，本來全球貨量都唔係好多，所以可以話一「套」難求！之前小米香港都有提過，部 13 Ultra 行貨預計 6 月開賣，但都仲要同 Global 申請，會唔會有得連埋個攝影套裝一齊賣，連賣行貨都要申請，可想而知，貨量有幾緊張。而呢個攝影套裝，最近就有少量貨抵達旺角先達水貨店，現時水貨賣價 $2080，可以畀你將手機變相機咁，而且可以幫你有更順暢嘅變焦體驗，我之前去發佈會上手玩過，第一印象係唔差嘅！至於如果要買埋小米 13 Ultra，又幾錢呢？隨住手機發表、水貨開賣已經有一個月，而家都減咗唔少價，12GB + 256GB 版本最新賣價為 $6680，16GB + 512GB 版本最新賣價為 $7280，至於 16GB + 1TB 版本最新賣價則為 $8080，減咗大約一千蚊，唔知中意玩機嘅機迷，又會唔會想買嚟玩下呢？
P.S.：唔知小米 13 Pro 同小米 13 Ultra 點揀？呢度都有兩機比較話你知！
按這裡有小米 13 Ultra 詳細規格
報價查詢：三禾電氣