
小米 13 Pro 再有新低價
留意到 csl eShop 網店,再度將小米 13 Pro 減價至一個新低價,記得六月尾嘅時候,csl 網店以 $10 嘅差價,重新平過 CMHK 網店價,而家 CMHK 唔同佢鬥了,唔再將小米 13 Pro 減價,最近就 csl 繼續降價清貨,將小米 13 Pro 256GB 由建議零售價嘅 $7699,減至 $6899,買機仲會送 HODA 晶石軍規防摔殼,呢個價錢,唔知網友又認為係咪可以 KO 到 Sony Xperia 5 V 呢?
小米 13 Pro 硬件規格
規格方面,小米 13 Pro 採用了 6.73 吋的 AMOLED 曲面屏幕,支持 120Hz 的刷新率以及 HDR10+。屏幕上有一個 3200 萬像素的自拍鏡頭,而後方則有三個後置鏡頭,分別為 5000 萬像素的主鏡頭、5000 萬像素的超廣角鏡頭以及 5000 萬像素的長焦鏡頭,三個鏡頭都是有 LEICA 加持,當中的主鏡頭更用上 Sony IMX989 1 吋 CMOS,夜拍表現相當不錯。另外,小米 13 Pro 配備了 Qualcomm Snapdragon 8 Gen 2 處理器,內置 12GB RAM 以及最高 512GB ROM,支持 5G 網絡以及 Wi-Fi 6E,電池容量為 4820mAh,支持 120W 有線快充和 50W 無線快充。半小時可以將電池充滿。顏色方面,小米 13 Pro 有陶瓷黑同陶瓷白兩種選擇。
相比起最新推出嘅 Sony Xperia 5 V,雖然小米 13 Pro 剛推出嘅時候定價較高,但而家減到 $6899 呢個價錢,我又會覺得更為吸引,仲要有 1 吋 CMOS + LEICA 認證相機,唔知網友又點揀呢?按呢度或者按下圖,可以進入 ePrice 手機比拼系統,比較一下 Sony Xperia 5 V 同埋小米 13 Pro 嘅硬件規格,你亦都可以自行加入其他嘅手機去進行心水比拼。
