小米 MIX Fold 3 水貨有新低價，跌穿萬元關口
小米 MIX Fold 3 香港無賣，如果想入手呢部大芒摺機，只能從水貨入手，剛推出時呢部手機最平都要過萬，但最近價格開始下調，出現新低價，尤其是星耀金嘅版本，根據一間網店嘅報價，12GB + 256GB 版本現時最新賣價為 $9780，16GB + 512GB 版本最新賣價為 $10680，至於 16GB + 1TB 版本則暫時無貨；呢間網店無貨唔緊要，我再留意一下深水埗一間細舖嘅報價，12GB + 256GB 以及 16GB + 512GB 版本價錢都係一樣，而 1TB 版本最新報價則為 $11980。呢個價錢，你又會唔會考慮呢？報價查詢：國內手機代購
小米 MIX Fold 3 硬件規格
規格方面，小米 MIX Fold 3 摺起來厚度只有 1.1mm，相比起三星 Galaxy Z Fold5 更薄，並用上曲面屏幕，外芒尺寸為 6.56 吋 21:9 AMOLED，支持最高 120Hz 屏幕刷新率，而內芒則有 8.03 吋 2K 屏幕，同樣支持 120Hz 屏幕刷新率，配備 Qualcomm Snapdragon 8 Gen 2 處理器，電池容量為 4800mAh，支持 67W 有線快充。相機部分，小米 MIX Fold 3 用上了四鏡頭設計，分別為 5000 萬像素廣角、1200 萬像素超廣角、1000 萬像素 3x 長焦以及 1000 萬像素 5 倍長焦鏡頭，無論是內外的前置鏡頭，都為 2000 萬像素。比拼香港有賣嘅大芒摺機選擇
不得不說，好多好玩嘅手機，都未必會喺香港市場推出，而香港市場有推出嘅大芒摺機選擇，其實唔係好多，有三星 Galaxy Z Fold5、舊代嘅 Galaxy Z Fold4 / Z Fold3、Honor Magic Vs 5G、華為 Mate X3，按這裡或按下圖進入 ePrice 手機比拼系統，可以比較一下香港大芒摺機嘅規格，同時亦都可以自行加入心儀機型進行更多比拼。