小米摺芒手機 MIX Flip 正式抵港！平過三星 Z Flip6 賣呢個價，有多重優惠

左定坤 (Cho Ting Kwan) 2024-07-19 21:55 | 小米

小米啱啱就喺北京舉行發佈會，發表咗一系列產品，當中包括摺芒手機 Mix Flip 以及 Mix Fold 4，而一如之前所講一樣，當中嘅 Mix Flip 香港會賣，係小米首次喺香港推出嘅摺芒手機，並且宣佈即日同步香港推出，應該係近年好少有香港咁緊貼大陸一齊推出，睇嚟小米香港真係好重視呢部摺機。到底呢部小米 Mix Flip 香港賣幾錢，平唔平得過小米，睇下文啦！

小米推出香港首部摺芒手機 Mix Flip！香港賣價 + 優惠即看

小米香港同步宣佈，正式推出摺芒手機 Mix Flip，即日起在小米官網 mi.com 率先接受預訂，並於 7 月 20 日在全線小米之家、小米之家專賣店、小米官網 mi.com、各大零售商和運營商門市及網站同步接受預訂，並於 7 月 26 日正式開賣。香港會推出 12GB RAM + 512GB ROM 版本，建議零售價為 $7699，並會有紫色以及黑色兩種顏色選擇。

至於購買小米 Mix Flip 摺芒手機，會有乜嘢優惠？優惠如下表：
 

機型	Xiaomi MIX Flip
顏色	紫色 黑色
容量	12+512GB 售價：港幣$7,699
預售優惠 7月19至25日	總共價值港幣$617   Xiaomi MIX Flip 多變保護殼（價值港幣$299） Xiaomi MIX Flip 保護殼主題卡片 （價值港幣$99） Xiaomi 真皮手機掛繩（價值港幣$219）
限時優惠 7月26日至8月5日	總共價值港幣$398   Xiaomi MIX Flip 多變保護殼（價值港幣$299） Xiaomi MIX Flip 保護殼主題卡片 （價值港幣$99）
額外限時優惠	凡於2024年9月5日前購買，可獲得以下服務，有效期至2025年3月5日： 機場接送服務 （價值港幣$752） 1
一般購物優惠	Just for Hong Kong 本地星級服務（總共價值港幣$4,632） 額外12個月保養（價值港幣$999） 1次6個月碎屏保障服務（價值港幣$2,999） 國際聯保服務2 送機場貴賓室服務（價值港幣$280）3，有效期至25年3月5日 免費試用YouTube Premium服務 3個月（價值港幣$234） 12個月內一次免手工費保外維修（價值港幣$120）