買 $1199 手機都送足金金貼！小米再推「收集活動」，集金貼最多有額外大獎

左定坤 (Cho Ting Kwan) 2025-06-23 18:53 | 小米

小米真係好癲！早前佢哋推出咗 Redmi Note 14 系列新色，而且仲有優惠，買任何一部 Redmi Note 14 系列手機，就送足金金貼，最近仲宣佈再推「收集活動」，集金貼最多有額外大獎！想知詳情，睇下文啦！

買手機送金貼，收集贏大獎

小米早前為 Redmi Note 14 系列加推沙漠金新色，由即日起至 8 月 21 日，買 Redmi Note 14 系列仲會限量送足金金貼，變相一個價錢，又有機玩，又有金執，十分抵玩。而佢哋亦表示，足金金貼唔好扔，收集黃金貼仲可以赢到額外嘅大獎，送 1.4 両足金，價值超過 5 萬蚊！所以如果你身邊有朋友買咗 Redmi Note 14 系列，又唔想要呢張金貼，就可以問佢可唔可以轉贈畀你去收集，等你可以有更大機會去換大獎。唔知網友又對呢個活動感唔感興趣呢？