主題:旋轉鏡頭千三萬!版主開箱 Oppo N3 國際版

ePrice HK
  • 發表時間:2014-12-05 20:30
    早前版主 Eddie 就為大陸版 Oppo N3  開了箱,以旗艦級手機的規格配上德國施耐德 Schneider 1600 萬像素旋鏡為賣點加上「進取」的定價 (國際版定價為 649 美元,約 $5062 港幣) 令網友反應相當熱烈。相信大家都對呢部新「自拍神器」的規格同價位有初步的了解。試過大陸版,今次版主就為國際版的 N3 開箱,睇下究竟兩個版本有無甚麼分別。

    旋轉鏡頭千三萬!版主開箱 Oppo N3 國際版

     

    國際版 Oppo N3 開箱圖集


    旋轉鏡頭千三萬!版主開箱 Oppo N3 國際版 旋轉鏡頭千三萬!版主開箱 Oppo N3 國際版
     Oppo N3 所用的手機盒並唔係普通的手機盒,係好「墜手」的手機盒。跟機的配件,比較特別係附送 O-Click,稍後會提到。另外國際版的插頭是兩腳插但大家在市面上買到的 N3 會係乎合香港制式的三腳插。

    旋轉鏡頭千三萬!版主開箱 Oppo N3 國際版
    5.5 吋屏幕要單手操控是相當唔容易的,屏幕下的邊框是熱感式按鍵。

    旋轉鏡頭千三萬!版主開箱 Oppo N3 國際版
    SIM 卡及 MicroSD 卡是共用同一插糟的,好多大陸牌子手機都以支援雙卡為賣點,Oppo N3 都支援,可以放一張 Nano SIM卡 及一張 Micro SIM卡。 SIM 1 放置 Nano SIM 並且支援 4G ,有趣的地方係放 SIM 卡 2 的位置可以放置只支援 GSM 的 Micro Sim 同時亦係放 置SD 卡的地方,用家就要係用多張 SIM 卡定用 SD 卡之間做取捨了。

    旋轉鏡頭千三萬!版主開箱 Oppo N3 國際版
    N3 另一賣點係指紋鎖,位置係鏡頭同 Oppo 的 logo 下方,同其他有指紋鎖的手機一樣。

    旋轉鏡頭千三萬!版主開箱 Oppo N3 國際版
    相機可以作 206 度旋轉,而且將相機鏡頭旋轉向機面係會自動開啟自拍模式的。

    旋轉鏡頭千三萬!版主開箱 Oppo N3 國際版
    熱感式按鍵下方有一個小空隙可以掛手機繩。
     

    國際版 vs 中國大陸版:有 Google Service 但頻段較少

    今次的國際版Oppo N3,同大陸版不同的地方主要有兩個。首先係國際版在 4G LTE 頻段的支援比中國大陸版少,大陸版是一部五模多頻,支援中國移動 CMCC 與中國聯通 TD-LTE 全頻段,亦支援 3G TD-SCDMA。相較之下國際版在 4G TD-LTE 只支援 Band 40,實際只支援 中國移動 CMCC 的室內覆蓋  。另外國際版 Oppo N3 內建已有 Google Play。

    旋轉鏡頭千三萬!版主開箱 Oppo N3 國際版旋轉鏡頭千三萬!版主開箱 Oppo N3 國際版
    ▲ 國際版的頻段未如大陸版多(左),但國際版也有齊 Google Services,包括 Google Play (右)。
     

    Oppo N3 硬件,跑分:憾大牌子?

    雖然版主 Eddie 的開箱已經講過 N3 的規格,而家再略略提多次。 屏幕上用了 5.5 吋的 1920 x 1080 403 ppi 解像度 IPS 屏幕,使用時發現不論係光度以及清晰度都相當足夠。 但規格同目前旗艦比未算出色。例如 LG G3 就用緊 QHD 2560 x 1440 的屏幕。係其他配置上 N3 使用左 Qualcomm Snapdragon 801 2.3GHz 四核心處理及 2GB RAM, 3000 mAh 電池同埋內置容量為 32GB,同市面上的旗艦相比分別不大。以下跑分可以比較具體咁話比大家知 N3 大約屬於甚麼級別。


    旋轉鏡頭千三萬!版主開箱 Oppo N3 國際版
    ▲ 旗艦價錢就要用旗艦規格手機比較,Oppo N3 係安兔兔上表現同年頭出的旗艦機相近,而同近期出的旗艦例如 Note 4 相比表現就有點距離了,而 Quadrant 成績上未有 2 萬分其實比預期略低(例如 LG G3 有 2 萬 2 千分)。

    旋轉鏡頭千三萬!版主開箱 Oppo N3 國際版
    旋轉鏡頭千三萬!版主開箱 Oppo N3 國際版
    Vellamo 同安兔兔上的成績其實反映左使用了 Qualcomm Snapdragon 801 2.3GHz 的 N3 同 2014 年初推出的旗艦表現是不相伯仲的。
     

    Oppo N3 賣點:ColorOS 、指紋鎖、 快速充電、 Schneider 1600 萬像素相機

    講完規格資料,可能唔少朋友都想知咁 Oppo N3 仲有咩賣點呢? 試用完主要係四樣,ColorOS 、指紋鎖、可以快速充電的火牛同埋主打能夠 206 度扭動的  1/2.3 吋感光元件的 Schneider 1600 萬像素相機。

    係講 ColorOS 介面前,版主忍唔住要講幾句,首先係熱感式按鍵不論係任何下都太暗,幾難睇得清。 另外係唔少 Android 手機同樣都有的問題,就係所謂的 「三天王鍵」即是 Back , Home 及 Recent (或者叫 Menu)三個按鍵擺放位置同 Goolge 所訂的標準不相同。 在 Oppo N3 上 Back 鍵在右邊而 Menu 鍵在左邊 (主流 Android 手機例如 Nexus 5 , HTC M8 , Samsung S5 係 Back 鍵在左邊而 Recent / Menu 鍵在右, 剛好相反),用家可能要時間習慣一下。

    旋轉鏡頭千三萬!版主開箱 Oppo N3 國際版
    ▲ 係正常日光情況下,要清楚睇見熱感式按鍵難,影得清楚更難。


    ColorOS 保持一貫風格

    講返 ColorOS,整體來說版主覺得係美觀的。 當然這方面標準是因人而異,功能上除左可以變換轉頁特效,自定義 Lockscreen ,更換主題之外,令人想唔到係有種類數量都唔少的 Wallpaper 免費下載。 但要留意的是 ColorOS 呢個版本,係沒有 Apps Drawer 的,所有的 Apps 都會放在桌面上。

    旋轉鏡頭千三萬!版主開箱 Oppo N3 國際版
    Apps Drawer 在全新版本 ColorOS 上就無啦 (圖左), 轉頁效果反而有唔少(圖右) 。

     

    指紋鎖有驚喜

    指紋鎖亦係 Oppo N3 另一賣點, N3 指紋鎖的表現確實帶來相當驚喜,甚至覺得可以同 iPhone 的 Touch ID 相題並論的。 係準確度上,版主解鎖都可以做到「一 take 過」,fail 次數不算多,反應亦相當快。 功能上,指紋鎖除左可以用來解鎖 Lockscreen 之外, Apps 亦可以使用指紋解鎖加密,相當全面。 如果話今年某大 Android 廠牌推出的旗艦手機內置的指紋鎖在表現上係一個笑話,Oppo N3 相信唔會令用家失望。

    旋轉鏡頭千三萬!版主開箱 Oppo N3 國際版
    設置指紋鎖時首先要 6 次記綠指紋。

    旋轉鏡頭千三萬!版主開箱 Oppo N3 國際版
    同 iPhone 一樣 Lockscreen 指紋鎖同密碼鎖要同時設置(左),程序加密對於版主來講更加有用。
     

    充電未如 Oppo 所述快

    快速充電這項賣點經過一次粗略的測試結果是 Oppo N3 充電速度的確比版主平常所用的 HTC One (M7) 充電快,但未有如 Oppo 所說的快速,下圖解釋。 不過,是次測試用的充電器是兩腳插,而將會在香港買到的 Oppo N3 是會有乎合香港制式的三腳插的,測試結果或有偏差,所以測試只供參考。 另外值得留意的是,Oppo N3 充電快耗電亦快,日常使用時建議開啟省電模式。

    旋轉鏡頭千三萬!版主開箱 Oppo N3 國際版
    Oppo 標榜 N3 的快速充電功能可以令 N3 在半小時內充電 75% ,而版主為 N3 充電半小時有多則有 38% 。


    全景功能有趣,1600 萬像素相機係賣點

    Oppo N3 的德國 Schneider 千六萬像素相機主打的玩法就係配合可以 206 度旋轉鏡頭拍全景相片。平常用手機影全景相時大家無可避免地要「自轉」才可以影到, Oppo N3 可以扭動的鏡頭就為大家省卻這個麻煩, 而且令全景相增添唔同玩法,好似用腳架或者「自拍神棍」將手機固定影。

    旋轉鏡頭千三萬!版主開箱 Oppo N3 國際版旋轉鏡頭千三萬!版主開箱 Oppo N3 國際版
    N3 的相機像 Sony 一樣可以增加不同拍照模式,美中不足係錄影模式仲未有 4K 解像度選擇。

    旋轉鏡頭千三萬!版主開箱 Oppo N3 國際版
    輕鬆影全景相作為 N3 賣點之一,用腳架輔助會比手持 N3 影效果更好。

    旋轉鏡頭千三萬!版主開箱 Oppo N3 國際版
    ▲ 除左可以將手機橫置影全景相之外,打直亦可以,不論橫直版主覺得足以令人滿意的。

    旋轉鏡頭千三萬!版主開箱 Oppo N3 國際版

    旋轉鏡頭千三萬!版主開箱 Oppo N3 國際版
    作為主打 N3 主要賣點,1600 萬像素相機表現亦不失禮。

    旋轉鏡頭千三萬!版主開箱 Oppo N3 國際版
    試用 Oppo N3 影相時有段小插曲,相機 app 不知何故突然故障不停「彈 app 」,最後要將手機 restart 先可以解決,看來在穩定性上 Oppo 仍有進步空間。

    旋轉鏡頭千三萬!版主開箱 Oppo N3 國際版
    最後不得不提一下跟機會有的遙控器 O - Click (中文名叫小叮噹⋯⋯),除左可以用作控制音樂播放同在一定距離內尋找手機, 主要用途就係可以遙控相機。
     

    總結:設計有新意,表現唔差,定價係最大問題

    Oppo 不論在規格上或者係表現上其實真係唔差,但定價同出售時間比任何問題都大。若果早半年推出並且以一個更吸引的定價出售的話,絕對是有機會搏得大家歡心的。 問題係現在規格比 Oppo N3 強的大有「機」在,而唯一一樣能夠同一眾旗艦睇齊的就只有價錢。規格未係最新,定價又過五千真係令 N3 定位頗為尷尬。 其中一位網友的評論「設計有創意,定價失理智  」其實最能夠講出 N3 最大問題。

    Oppo N3 中國大陸版本,水貨賣價約為 $5588。Oppo N3 國際版,在發佈會公佈時為 USD$649,約 HK$5062,暫未公開發售。

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • OPPO N3
    • 現時售價: 已下市
    • 尺寸: 161.2 x 77 x 8.7 mm / 192 g
    • 電池: 3000 mAh
    • 插卡: microSD
    • 螢幕: 1920 x 1080、 5.5 吋 IPS TFT
    • 相機: 1600 萬像素CMOS
    • 顏色:
    • 時間: N/A
    • 上市: 2015-02-05
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 無 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔