主題:OPPO R7s 終於發佈! 4GB RAM 是重點,配 3070mAh 電池!

ePrice HK
  • 發表時間:2015-10-19 13:31
    之前曾經同大家提過, OPPO 將會推出一部比 R7 更大電量嘅智能電話 R7s 嘅,尋日終於喺杜拜嘅發佈會上發佈左喇! 其實好耐之前呢部 R7s 已經一直有好多規格上嘅傳聞,咁唔知有幾多係準確架呢? 版主而家就為大家介紹一下 OPPO 嘅新成員 - OPPO R7s!

    Oppo R7s 終於發佈! 4GB RAM 是重點,配 3070mAh 電池!

    首先外型方面,R7s 同 R7 一樣,機身都係使用了鋁鎂合金設計,並採用了 5.5 吋 AMOLED 嘅 2.5D 顯示屏。而在規格方面,呢部 OPPO R7s 配備了 Qualcomm Snapdragon 615 八核心處理器,並擁有 4GB RAM 以及 32GB ROM (支持最多 128GB 儲存空間嘅 microSD 卡)。而相機方面,R7s 擁有 800 萬像素前置鏡頭,而主鏡頭則有 1300 萬像素,並能夠做到 0.1 秒快速對焦,讓你能夠捕捉任何美好時刻! 

    至於電量方面,OPPO R7s 並不如之前流傳所說,擁有 4100mAh 電池,而是採用了 3070mAh 電池。雖然電量方面並沒有想像中咁多,不過佢依然係比 R7 嘅電量大,並且可以支持 VOOC 快速充電,能夠令你喺 50 分鐘之內將你部電話由 0% 充電至 90%,整體來說還算不錯。續航方面,OPPO 透過自家嘅電池測試顯示,R7s 嘅續航能力長達 13 小時 15 分鐘,而低、中用量嘅用家相信可以用到超過一日。

    OPPO R7s 將會運行 Android 5.1 作業系統,並使用比較省電的 ColorOS 2.1,能夠有助延長你的電池使用時間。至於大家最想知道嘅價錢方面,暫時尚未有消息,但 OPPO 就話 R7s 將會於 11 月在新加坡、澳洲、台灣、越南、印度、馬來西亞、泰國以及中東北非地區開售,咁香港呢? 如果 OPPO 唔會喺香港開售,咁就可能需要等水貨了! 唔知大家覺得呢部 R7s 點呢? 老實講除左 S615 處理器之外,其他地方我覺得做得唔錯,而家望就望佢價錢唔好太貴啦!

    來源:GizChina

    立即加入Facebook 專頁,新聞/消息/優惠,最快知。

    01樓 ▲TOP 回列表頁