OPPO A6 Pro 機身設計
版主上手的 OPPO A6 Pro 是「恒星藍」配色，實機比想像中輕薄，185g 重量配合 8mm 厚度，拎上手相當舒服。機背採用 OPPO Glow 工藝，防指紋效果理想，而且唔會好似其他平價機咁容易沾滿指紋。最大驚喜係機身採用金屬一體式中框設計，配合 IP69/IP68/IP66 三重防水防塵認證同軍規級抗震，拎上手明顯感覺比一般同價位手機紮實。外部用上 AGC DT-Star D+ 玻璃，防刮防撞能力應該唔錯。
官方標配 6.57 吋 AMOLED 屏幕，支援 120Hz 刷新率，峰值亮度達到 1400 nits。版主實測發現，室外使用確實清晰好多，就算正午陽光下睇內容都無問題。色彩表現都算鮮明，雖然解像度只有 1080p，但以 $1999 價位來講已經交足功課。
屏幕流暢度不錯，滑動網頁同切換應用程式都無殘影，打機時 120Hz 更新率確實帶來更流暢體驗。唯一美中不足係可視角度略為一般，側面睇會有輕微偏色，但考慮到價錢都算可以接受。
▲ 採用咗 6.57 吋屏幕。
▲ 穿窿芒前置鏡頭設計。
▲ 邊框都算係幾窄。
▲ 版主今次上手的是藍色的版本。
▲ 具有雙鏡頭。
▲ 機背下方有 OPPO 字樣。
▲ 機身右側有開關鍵及音量鍵。
▲ 機底有 SIM 卡槽以及 Type C 插槽。
性能足夠日常使用
OPPO A6 Pro 採用天璣 6300 處理器，配備 8GB RAM + 256GB ROM，性能足夠應付日常社交媒體、睇片同文書處理，系統方面運行 ColorOS 15，首次引入「ColorOS Trinity Engine」及「Luminous Rendering Engine」，提升系統流暢度與穩定性。實際使用感覺幾順暢，開 App 同切換都無明顯卡頓，對於一部平價機來講算係驚喜。 |
 |
 |
電池續航真實力
OPPO A6 Pro 內置 6500mAh 超大電池，支援 80W SUPERVOOC 快充，充電時間需要 60分鐘。正常使用確實可以撐到兩日，連續睇片可以超過 20 小時。電池採用先進的抗老化技術，官方表示經過 1,830 次充電循環後仍能保持 80% 以上容量，即係話用足五年都唔使擔心電池老化問題。相機表現中規中矩
相機方面，OPPO A6 Pro 採用了 50MP 主鏡 + 2MP 黑白鏡頭組合。版主實測日拍表現不錯，日光下細節豐富，色彩還原自然，但低光環境就略為吃力。缺少超廣角鏡頭確實有啲可惜，拍攝風景時會覺得有局限。前置 16MP 鏡頭自拍效果都算清晰，應付日常視像會議同社交媒體分享都足夠。
耐用性能實測
講到 A6 Pro 最犀利嘅賣點，肯定係佢嘅 IP69/IP68/IP66 三重防水防塵設計，就算放在水龍頭下沖洗，都唔使擔心有入水問題。機身通過軍規級抗震認證，採用高強度航空合金骨架，日常意外跌落都唔使太擔心。對於成日戶外工作或者粗用嘅用家來講，呢個設計真係非常實用。小結
經過實際試用後，版主覺得 OPPO A6 Pro 最大賣點肯定是 IP69/IP68/IP66 三重防水防塵加上軍規級抗震同 6500mAh 電池呢個組合，$1999 價位確實無敵。性能足夠日常使用，屏幕表現超出預期，唯一可惜係相機配置較為基礎。如果你係地盤工人、戶外愛好者，或者想要一部唔使就住用、可以用好多年嘅手機，OPPO A6 Pro 絕對係目前市場上值得考慮的選擇之一。但如果你追求極致性能、頂級攝影，就可能要加預算考慮其他旗艦型號了。網友又點睇呢部「平價三防機」？會唔會考慮入手？留言話我知啦！