講到平玩 5G 中階手機，近排真係多咗好多選擇，尤其係一啲主打 「大電池」 同 「耐用」 嘅機款，對於成日出街唔想成日叉電，或者用機比較粗嘅網友來講，真係好吸引。最近版主就見到有部手機，喺唔同大舖都有減價，只需二千零蚊就有 6500mAh 大電手機 + SGS 防撞手機。想知詳情，睇下文啦！
二千幾蚊有 6500mAh 大電手機
說的是 vivo V50 Lite，呢部手機內置 12GB RAM + 256GB ROM，本身建議零售價為 $3198，不過而家大舖已經做緊減價，只需 $2380 就有交易，價錢相當進取，呢個價錢你又會唔會考慮入手呢？
vivo V50 Lite 硬件規格
規格方面，呢部 vivo V50 Lite 主打超強續航同堅固耐用，佢內置咗 6500mAh 超大容量電池，配合 90W 閃充，官方話只需要 23分鐘 就可以充到 50%，完全可以解決電量焦慮。機身亦都相當硬淨，獲得 SGS五星抗摔認證 同 IP65級別 防塵防水，日常使用唔使咁就住。雖然電量大，但機身設計保持輕薄，只有 7.39mm 厚，重量約 197g，手感唔錯。性能方面，佢配備 MediaTek Dimensity 6300 處理器，搭載 6.77吋 120Hz AMOLED 屏幕，操作流暢。影相則用上 5000萬像素 Sony IMX882 主鏡頭，足以應付日常生活記錄。