重點 1. OnePlus 2 將用上特別材質背蓋？
大家都知道係大陸出新機前，有關資料都會由工信部所透露，所以 OnePlus 2 的外型係點嘅樣其實大家都應該已經見過。雖然係咁但就未必代表 OnePlus 2 係推出時會無驚喜嘅。首先近日 OnePlus 係微博上面就 post 左一張宣傳圖，當中就提到 OnePlus 會「專注后蓋一百年」。當然呢啲宣傳技倆大家都已經睇到麻木晒，不過就有大陸媒體從呢中推測 OnePlus 係第一代手機上就推出過竹制背蓋，或者 OnePlus 2 都會推出特別材質版本，好似皮革或者木材等。唔知以上推測會否成真呢？
▲ OnePlus 係新機發佈前不斷強調手機係質感同手感上就有相當的水準，而右圖就係傳聞中 OnePlus 2 的木制版背蓋。
重點 2. 加入實體 Home 鍵， OnePlus 2 將支援指紋掃描
從工信部所透露的 OnePlus 2 實機相片之中，大家可以見到新機同上一代對比係多左一個 Home 鍵。一般相信呢個 Home 鍵將會有埋指紋識別功能。值得留意係有大陸網站指出其實 OnePlus 2 的 Home 鍵唔只有指紋掃描器，係功能上更加可以做到 MX5 的輕觸以及左右滑動操作。唔知 OnePlus 2 係操控上同魅族的 MBack 相比邊一個會更加好用呢？真係要試左先知啦。
▲ 如果覺得睇五信部爆料太乏味的話，可以睇埋大陸網民製作的「FF 圖」，用埋窄邊框設計㗎！
重點 3. 採用 S810 處理器，安兔兔跑出極限分數六萬三
係硬件方面 OnePlus 2 用上 Qualcomm S810 處理器配上 4GB RAM 相信大家都己經知道。之前版主虎仔就同大家提到過 OnePlus 2 係安兔兔跑分上出現左有趣的情況，就係既能夠跑出 63719 呢個頂級旗艦的分數。同時間又有下跌到只有 51460 呢個情況。除左以上跑分數據外近日又多左一段影片，當中相信係 OnePlus 2 新機係安兔兔跑分上更加只有 49221 分！
重點 4. 一部新機兩個版本？ OnePlus 2 或有高配、標準版？
上面提到的流出影片除左比大家知道疑似 OnePlus 2 新機的跑分成績之外，其實仲透露左一些相當重要的消息，就係 OnePlus 2 可能會有兩個版本了。因為係片段裡面的疑似新機只有 FHD 芒、 3GB RAM 、以及 16GB 內置容量，但係早前工信部發佈的資料上面 OnePlus 2 係會有 2K 芒、 4GB RAM 以及 32GB 內置容量的，所以有外國媒體就估計 OnePlus 2 會有兩個版本了。
▲ 用得 Qualcomm S810 處理器，發熱情況相信都會成為大家關注的重點，睇 OnePlus 會用咩方法應對了。
重點 5. 1300 萬像素 F2.0 大光圈 夜拍完勝 iPhone 6 ？
到相機方面，有關 OnePlus 2 的相機規格，一般估計新機會有 1300 萬像素 F2.0 大光圈以及支援鐳射對焦。而 YK 亦都分享過 OnePlus 官方論壇內放出 OnePlus 2 VS iPhone 6 既夜拍測試。當然，所謂的「測試」係由 OnePlus 所做的話當中有幾成係真幾多係假實在好難講嘅。
▲ 呢個係其中一組 OnePlus 2 同 iPhone 6 對比的圖片，左邊係 OnePlus 2；右邊係 iPhone 6；
好！以上 5 個 OnePlus 2 重點基本上都概括左 OnePlus 新機的重點消息，而大致上規格資料都齊備。雖然確實規格而家都仲未完全清楚，但假設 OnePlus 2 會有齊 5.5 吋 2K 解像度， S810 處理器配 4GB RAM 以及 32GB 內置容量，同埋指紋掃描等功能的話，唔知大家又覺得係香港推出時賣幾錢先算係合理，或者係吸引到你入手的價位呢？一齊來投票同講講意見啦！
更多有關 OnePlus 2 的新聞：
OnePlus 2 跑分曝光! 減熱 5 萬 1 定係 Chur 爆 6 萬 3?調高四倍感光度都贏 iPhone 6！ 官方釋出 OnePlus 2 試相 ( 附原圖 )
踢爆 OnePlus 語言偽術！HTC One M9 都用 Snapdragon 810 v2.1
全球首創！OnePlus Two 發佈會將以 VR 方式直播
來源：phonearena 、 52rd.com 、 qianzhan.com