主題:​一加二 OnePlus 2 頂配版真貨到港! 開箱、跑分、比屏幕

ePrice HK
  • 發表時間:2015-08-01 19:20 收錄檢舉
    星期六收機,即係要開 OT!呢部就係 OnePlus 2!上星期才發佈,真機已透過 DHL,由深圳運送至香港,只是呢次係中國大陸版本,行「氫OS」,唔係香港主打嘅國際版「氧 OS」,裡面唔單係無 Google Playstore 咁簡單,係唔少香港用唔到嘅功能,所以今次開箱,版主唔會講。但大家都想知道,呢部勇敢使用 Qualcomm S810 處理器,跑分會唔會熱爆?跑分又係唔係超快?

    ​一加二 OnePlus 2 頂配版真貨到港!  開箱、跑分、比屏幕-0
     

    上手感覺

    由一個紅色盒包裝嘅 OnePlus 2,未開盒會令人期待的,始終市場上用紅色盒包裝嘅手機唔算好多,呢份 Sharp 鮮嘅感覺好好。開盒了,裡面嘅配件就係手機、一條足一米嘅 Type C USB 線及充電器一個。One Plus 2 本身是一部 5.5 吋芒嘅手機,唔算窄邊框,亦唔係好薄身,更加唔算好輕身,以重量來講,比起同期嘅 HTC One E9+ 與 LG G4 都要重,厚度則與 G4 相約,比不上 E9+。簡單來說,都很重手。機身非金屬材質,主打背蓋,原裝的背照磨砂黑色,版主最愛呢隻款,因為砂紙感覺很有 Feel。OnePlus 安排了其他款式背蓋供試用及拍攝,都是睇上來好型,摸上去都係一片膠,我就唔多 LIke。

    試嘅時間唔多,立即來過跑分。老實說成績十分好,以 Antutu 為例,去到 5 萬  8 千分嘅成績,算係 S810 CPU 裡比較好嘅一款。當然,大家會問,熱唔熱。就係因為部機比較厚,加上可以更換嘅機背蓋,而機蓋亦唔算好薄身,當跑分時,版主發覺發熱地方集中在機背上半部份,仲要你專登感受才 Feel 到。尤其我用嘅係磨砂黑色,只可以用要好留意才感覺佢熱來形容。

    屏幕呢?OnePlus 2 採用 IPS 屏幕,但只有 Full HD 1080p 解像度,版主專登找來 2K 解像度  Display 嘅 LG G4 跟佢比一比,版主覺得 OnePlus 2 屏幕光度不及 LG G4,但顏色嘅表達,兩款手機係好類似。若果你覺得 LG G4 屏幕係靚,OnePlus 2 可以用同級來形容。
     

    開箱圖集

    ​一加二 OnePlus 2 頂配版真貨到港!  開箱、跑分、比屏幕-1

    ▲ 一盒,一機,一充,一條線。耳機呢?


    ​一加二 OnePlus 2 頂配版真貨到港!  開箱、跑分、比屏幕-2 ​一加二 OnePlus 2 頂配版真貨到港!  開箱、跑分、比屏幕-3

    ▲ 版主覺得 OnePlus 手機設計,以穩重為主,原創味道係大陸品牌手機來講叫做重了,只少唔係抄 iPhone。


    ​一加二 OnePlus 2 頂配版真貨到港!  開箱、跑分、比屏幕-4

    ▲ 鏡頭唔係突出來?其實係成個相機模組都唔係平嘅。留意用了雙色 LED 補光燈。


    ​一加二 OnePlus 2 頂配版真貨到港!  開箱、跑分、比屏幕-5 ​一加二 OnePlus 2 頂配版真貨到港!  開箱、跑分、比屏幕-6

      ▲ 前鏡有五百萬像素,而機下面粒掣係指紋認證按鍵,不能直接按入去。操作跟 HTC One ME 與 M9+ 相約,輕輕一按,可以一按解鎖,係大陸嘅「氫OS」上面,亦具有 Back 與 Home 嘅功能。兩側其實有 Back 與 Menu 嘅熱感掣。


    ​一加二 OnePlus 2 頂配版真貨到港!  開箱、跑分、比屏幕-7
    ▲ OnePlus 2 嘅厚度唔算薄,接近 10mm。

    ​一加二 OnePlus 2 頂配版真貨到港!  開箱、跑分、比屏幕-8 ​一加二 OnePlus 2 頂配版真貨到港!  開箱、跑分、比屏幕-9
    ▲ 同樣是 5.5 吋屏幕 LG G4 (左) 比起 OnePlus 2 來得細一些。

    ​一加二 OnePlus 2 頂配版真貨到港!  開箱、跑分、比屏幕-10
    ▲ 不同背蓋選擇,但說實一句只係顏色不同,本身都係膠來嘅。



    ​一加二 OnePlus 2 頂配版真貨到港!  開箱、跑分、比屏幕-11 ​一加二 OnePlus 2 頂配版真貨到港!  開箱、跑分、比屏幕-12
    ▲ 中國大陸版就跟兩腳火牛。細看之下,支援 2V/5V 輸出。雖然用上 S810 CPU ,但改用了 USB Type C,OnePlus 2 係唔支援 QC2.0 快充功能。

    ​一加二 OnePlus 2 頂配版真貨到港!  開箱、跑分、比屏幕-13 ​一加二 OnePlus 2 頂配版真貨到港!  開箱、跑分、比屏幕-14
    ​一加二 OnePlus 2 頂配版真貨到港!  開箱、跑分、比屏幕-15 ​一加二 OnePlus 2 頂配版真貨到港!  開箱、跑分、比屏幕-16
    ▲  USB Type C 好處係兩邊上下是可以掉轉,但機身插口部份,係唔支援舊制式,但充電器或電腦部份就支援插頭。簡單來說,若你打算用 OnePlus 2,係要連 USB 線都要轉埋一份。

    ​一加二 OnePlus 2 頂配版真貨到港!  開箱、跑分、比屏幕-17
    ▲ OnePlus 送的線足一半長,亦有不錯的接扣安排。 
     

    屏幕體驗


    ​一加二 OnePlus 2 頂配版真貨到港!  開箱、跑分、比屏幕-18
    ▲ OnePlus 2 嘅屏幕可視角度十分好。打到咁側都見得清楚,白色部份亦沒有變黃。

    ​一加二 OnePlus 2 頂配版真貨到港!  開箱、跑分、比屏幕-19
    ▲ 找夾 OnePlus 2 (上) 與 LG G4 (下) 屏幕比拼,都係調至最光。LG G4 光度係比 OnePlus 2 好。

    ​一加二 OnePlus 2 頂配版真貨到港!  開箱、跑分、比屏幕-20 ​一加二 OnePlus 2 頂配版真貨到港!  開箱、跑分、比屏幕-21
    ▲ 左係 OnePlus 2 嘅屏幕,右係 LG G4 嘅屏幕,版主會覺得效果不相伯仲。
     

    即 Check 跑分與發熱情況


    ​一加二 OnePlus 2 頂配版真貨到港!  開箱、跑分、比屏幕-22
    ▲ 版主係一間冷氣約為 24 度環境下,關機再開再跑分,AnTuTu 可以得出 5 萬 8 千分嘅成績。係 S810 CPU 手機裡,係十分出色。代表整體效能係十分唔錯。(測試為 4GB RAM , 64GB ROM 版本)

    ​一加二 OnePlus 2 頂配版真貨到港!  開箱、跑分、比屏幕-23
    ▲ 之後再關機,再跑分,去到呢個畫面.....

    ​一加二 OnePlus 2 頂配版真貨到港!  開箱、跑分、比屏幕-24 
    ▲ 版主立即跳至 CPU-Z,Thermal 部份,最高溫度嘅 Sensor 大約 62 度,但一般也是五十度接近。


    ​一加二 OnePlus 2 頂配版真貨到港!  開箱、跑分、比屏幕-25
    ▲ Basemark ES 2.0 用來測試手機玩 3D 遊戲時嘅情況,得份 59.99fps 滿分為 60fps,即係就算打 3D 遊戲,都難唔到佢。

    ​一加二 OnePlus 2 頂配版真貨到港!  開箱、跑分、比屏幕-26
    ▲ Vellamo 三個跑分,以測試用 Chrome 瀏覽器上網效果嘅  HTML5,分數最好,其至是對比排行榜嘅首位。可見用 OnePlus 2 上網睇資料應該好順。

    簡單嘅開箱睇完!時間有限,我交由其他版主試相機、電量部份。由於這版本不是 OxygenOS,亦未有方法將佢專為 OxygenOS,日常嘅使用,要留待稍後才能分享了。大家睇完初部嘅寫真、跑分,屏幕,又想唔想入手 OnePlus 2? 如果你想買,會入手國際版定中國大陸版?齊齊講下。

    OnePlus 2 係文章上刊時,國際版未正式開賣,售價為 16GB ROM / 3GB $2399、64GB ROM  / 4GB RAM $2799。按這裡有更詳細規格及最新賣價
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • OnePlus OnePlus 2 64GB
    • 現時售價: 已下市
    • 尺寸: 151.8 x 74.9 x 9.85 mm / 175 g
    • 電池: 3300 mAh
    • 插卡:
    • 螢幕: 1920 x 1080、 5.5 吋 IPS TFT
    • 相機: 1300 萬像素CMOS
    • 顏色:
    • 時間: N/A
    • 上市: 2015-08-11
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • 無 記憶卡
      • 無 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔
    • OnePlus OnePlus 2 16GB
    • 現時售價: 已下市
    • 尺寸: 151.8 x 74.9 x 9.85 mm / 175 g
    • 電池: 3300 mAh
    • 插卡:
    • 螢幕: 1920 x 1080、 5.5 吋 IPS TFT
    • 相機: 1300 萬像素CMOS
    • 顏色:
    • 時間: N/A
    • 上市: 2015-08-11
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • 無 記憶卡
      • 無 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔