主題:One Plus X 開箱實測! 外型 + 上手感 + 跑分 + 屏幕 + 相機上手試!

ePrice HK
  • 發表時間:2015-11-05 15:06 收錄檢舉
    千元價位又好用嘅手機,你會諗起邊一個品牌? 相信好多人第一時間諗到嘅應該係小米。不過,上個月 29 日 OnePlus 發佈以「中階」為定位的千元價位新機 OnePlus X 同樣吸引,當時我地嘅版主 Keith 都有去到北京出席呢個發佈會,並借左部機番黎香港慢慢試,而家部機終於運到黎香港,所以版主我就逼不急待為呢部新機舉行簡單而隆重的開箱儀式,並在外型、手感、跑分、屏幕以及相機方面做一個簡單的短測。

    One Plus X 開箱實測! 外型 +  跑分 + 相機上手試!-0

    簡單而隆重的開箱儀式
    首先講下呢部手機嘅包裝方面啦! 其實在包裝上無咩特別,只係簡簡單單一個白色嘅盒,上方寫住 「1+」以及大大個 「X」字,而左右兩邊同樣就咁寫住 OnePlus X。不過本着「簡單就是美」的準則,版主覺得呢種白色都帶俾人一種高貴的感覺。而在包裝盒的底部是以紅色為主的,你可以見到有關這部 OnePlus X 的基本資料,而今次版主上手試的就是 16GB 皓月白色的 OnePlus X (16GB 真係唔夠用,好彩不是自用機!)。

    打開包裝後,將裏面嘅所有野拿出來,你會見到有一部 OnePlus X、一條 USB 線、一個雙腳式的充電器以及一枝用來打開 Sim 卡槽的卡針。驚喜的是,這套 OnePlus X 居然還附送一個透明的保護套,雖然只係膠製的,但有點都好過無。另外,你會見到入面有一張卡,只要持卡片到一加零售店,就可以免費貼膜一次。不過看來這項服務只適用於內地用家。

    One Plus X 開箱實測! 外型 +  跑分 + 相機上手試!-1
    ▲ 你可以見到只係一個好普通的白色盒,上面有個「1+」以及大大隻「X」字。

    One Plus X 開箱實測! 外型 +  跑分 + 相機上手試!-2
    ▲ 左右兩側只有簡單寫住 OnePlus X。One Plus X 開箱實測! 外型 +  跑分 + 相機上手試!-3
    ▲ 底部會有基本資料,而這部 OnePlus X 是皓月白色的,儲存空間有 16GB。

    One Plus X 開箱實測! 外型 +  跑分 + 相機上手試!-4
    ▲ 打開個盒,你會見到頂部會有部 OnePlus X。

    One Plus X 開箱實測! 外型 +  跑分 + 相機上手試!-5
    ▲ 個盒嘅邊同部機配合得好好,好穩陣唔會容易鬆落,第一次上手仲以為係用左磁石吸住。

    One Plus X 開箱實測! 外型 +  跑分 + 相機上手試!-6
    ▲ 將所有野拎哂俾大家睇,你會見到隨機附送的配件,包括保護套、卡針、充電器、USB 線以及一張俾人免費貼保護貼嘅卡片,不過香港似乎就用不着,但送咁多野都可以感受到 OnePlus 的誠意吧?

    外型 + 上手感
    咁開箱儀式就完結了! 咁係時候拎部機出黎睇下佢個外型係點。外型方面,呢部 OnePlus X 的機身尺吋為 140 x 69 x 6.9 mm,而重量只有 138g,拎起上手真係覺得好輕身 (可能版主用慣大機嘅緣故)。另外,呢部 OnePlus X 採用了 5 吋 AMOLED 全高清的 2.5D 屏幕,適合中意單手使用的用家,而且因為採用左 2.5 D 屏幕嘅關係,感覺上增添左一份潮流感,加上佢塊屏幕比起其他手機還要厚,OnePlus 強調睇落去更有質感。OnePlus X 採用了金屬邊框設計,拎上手嘅時候能夠增添手感。不過值得一提嘅係,佢嘅金屬邊框用上左「阿爾勒紋理」,所以感覺上比其他金屬邊框手機更為特別,而版主跟朋友開玩笑,說這部手機的邊框能夠當「指甲鋤」用,唔知如果你用上手,會唔會都有同樣的感覺呢?

    One Plus X 開箱實測! 外型 +  跑分 + 相機上手試!-7
    ▲ OnePlus X 的正面,顏色是皓月白色,配備 5 吋 AMOLED 全高清 2.5D 屏幕,下方有「多任務鍵」、「主頁鍵」以及「返回鍵」。

    One Plus X 開箱實測! 外型 +  跑分 + 相機上手試!-8
    ▲ 而上方你會見到有個 800 萬像素的前置鏡頭以及 Sensor。(以前置鏡頭來說,800 萬像素算是很不錯的了!)

    One Plus X 開箱實測! 外型 +  跑分 + 相機上手試!-9
    ▲ 而機背同樣都是皓白色,大約中間位置會看到金色「1+」的 Logo。

    One Plus X 開箱實測! 外型 +  跑分 + 相機上手試!-10
    ▲ 機背的左上方會看到 1300 萬像素的主鏡頭以及閃光燈。

    One Plus X 開箱實測! 外型 +  跑分 + 相機上手試!-11
    ▲ 從機的側面看去,你會清楚看到 OnePlus X 的金屬邊框,而機的左側會有「三段式」的按鍵,有少許像 iPhone 的靜音鍵的,不過 OnePlus X 就有三種模式俾你自行調校,包括「靜音模式」、「勿擾模式」以及「響鈴模式」。

    One Plus X 開箱實測! 外型 +  跑分 + 相機上手試!-12
    ▲ 而機的右側你會看到音量鍵以及電源鍵。另外,音量鍵的上方會有一個卡槽,需要用卡針弄出來,可放置 Nano Sim 卡以及 microSD 卡。

    One Plus X 開箱實測! 外型 +  跑分 + 相機上手試!-13
    ▲ 金屬邊框是用了「阿爾勒紋理」,盡量 Zoom 近啲俾大家睇下呢種紋理係點嘅樣,睇下點解版主會覺得好似「指甲鋤」。

    One Plus X 開箱實測! 外型 +  跑分 + 相機上手試!-14
    ▲ 機的頂部會有一個 3.5mm 耳機孔。

    One Plus X 開箱實測! 外型 +  跑分 + 相機上手試!-15
    ▲ 而機的底部會有 USB 槽 以及雙喇叭。

    OnePlus X 跑分測試:安兔兔 + BaseMark ES 2.0 Taiji + Vellamo
    OnePlus X 採用了 Qualcomm Snapdragon 801 2.27 GHz 處理器,而除左 OnePlus 嘅手機之外,HTC One M8、Samsung Galaxy S5、Sony Xperia Z2 同樣都是採用 Qualcomm Snapdragon 801,唔知呢部 OnePlus X 跑分得出黎會係咩成績呢? 版主而家就用一系列嘅跑分測試軟件為呢部 OnePlus X 進行跑分測試,得出結果為 41201 分,雖然比 Samsung Galaxy S5 (46386 分) 低少少,但以 S801 黎講,呢個成績尚算合理。

    One Plus X 開箱實測! 外型 +  跑分 + 相機上手試!-16
    ▲ Antutu 跑分為 41201,係用上 S801 CPU 嘅手機裡面,叫做唔錯。排行方面僅次於採用 Exynos 5433 處理器的 Samsung Galaxy Note 4。而內存方面,OnePlus X 配備了 3GB RAM 以及 16GB ROM,對於版主黎講唔多夠用,用黎 share Wi-Fi 都得。

    One Plus X 開箱實測! 外型 +  跑分 + 相機上手試!-17
    ▲ Basemark ES 2.0 用來測試手機運作 3D 遊戲嘅效能,有 60fps 叫十分好。得出 56.03 分代表打 3D 遊戲,應該都會不錯嘅效果。這亦係用 Qualcomm 高效 CPU 好處之一。

    One Plus X 開箱實測! 外型 +  跑分 + 相機上手試!-18
    ▲ Vellamo 跑分分為Chrome 瀏覽器、多核與金屬。Chorme 瀏覽器代表用 Chorme 上網嘅流暢度。OnePlus X 分數有 2630 分,算係一般至中上嘅成績,代表用來上網 browsing 感覺會挺順暢。而多核、金屬用來測試手機整體效能。多核是多核心 CPU 運作情況,OnePlus X 分數都係不錯,成為績比 HTC One M8 好。

    屏幕大比拼:OnePlus X (AMOLED) VS HTC M9+ (SLCD)
    介紹完 OnePlus X 嘅外型以及同大家做完一連串嘅跑分測試,咁而家版主就同大家講下 OnePlus X 嘅屏幕。咁屏幕呢樣野,唔同機所用的材質都可能有唔同,呢部機嘅屏幕可能係用 IPS 材質,果部機嘅屏幕又可能用左 AMOLED,當中個分別係點唔係個個都知。所以今次版主就揀左採用左 SLCD 屏幕嘅 HTC M9+ 比拼採用 AMOLED 屏幕的 OnePlus X。首先版主各自在兩部機上挑選左一張一樣的 model 相,再將兩部手機亮度調到最高,方便做個比較。

    One Plus X 開箱實測! 外型 +  跑分 + 相機上手試!-19
    ▲ 今次我揀左呢位 model,唔知岩唔岩你口味! 咁首先左邊果部機係 OnePlus X,而右邊就是 HTC M9+,咁你會發現,採用 AMOLED 的 OnePlus X 屏幕會相對地光啲,而採用 SLCD 的 M9+ 就相對地偏藍較冷。從顏色上來看,OnePlus X 睇落去對比更鮮明。

    One Plus X 開箱實測! 外型 +  跑分 + 相機上手試!-20
    ▲ 而我地側少少睇落去,會發現 M9+ 會變暗偏紅,而 OnePlus X 的屏幕雖然都暗左少少,但佢嘅顏色變得較冷偏藍。

    One Plus X 開箱實測! 外型 +  跑分 + 相機上手試!-21
    ▲ 再側少少又點呀? 我地會發現 OnePlus X 開始會有少許「偏色」的現象。而顏色結果都係同上面一樣,OnePlus X 的屏幕呈現藍色,而 M9+ 的屏幕就相對有點偏紅。

    One Plus X 開箱實測! 外型 +  跑分 + 相機上手試!-22
    ▲ 咁我而家將兩張相放到一樣嘅大小,比較一下兩張相的細緻度。由於 OnePlus X 的屏幕較光,能夠突顯 model 面部的層次感。但如果留意髮絲部份,會發覺 M9+ 的髮絲顯現得更加清晰,影像更為細緻。

    One Plus X 開箱實測! 外型 +  跑分 + 相機上手試!-23
    ▲ 最後一步,我地而家就再用 Google 嘅畫面,比較一下呢兩部機的屏幕。One Plus X 屏幕顏色比較偏黃,而 M9+ 所顯示嘅白就相對白啲。

    One Plus X 開箱實測! 外型 +  跑分 + 相機上手試!-24
    ▲ 側啲睇,M9+ 開始有少許變暗,顏色上亦淡左,而 G7 Plus 相對 M9+ 屏幕更亮,而且顏色變得比較偏藍。

    One Plus X 開箱實測! 外型 +  跑分 + 相機上手試!-25
    ▲ 再側啲睇,你會發現 OnePlus X 屏幕出現偏色現象,並變得更藍。反而 M9+ 就相對較白,而且影像更清楚。

    相機測試
    咁呢部 OnePlus X 配備左 1300 萬像素的主鏡頭搭配 f/2.2 光圈,並支援 PDAF 相位對焦功能,對焦速度只需 0.2 秒,咁唔知影出黎嘅效果會係點呢? 版主就用呢部 OnePlus X 影左唔同嘅相,俾大家睇下啲相個效果如何。

    One Plus X 開箱實測! 外型 +  跑分 + 相機上手試!-26
    ▲ 去完拎部 OnePlus X,大約下午 4 時左右,天還是亮的。

    One Plus X 開箱實測! 外型 +  跑分 + 相機上手試!-27
    ▲ 沿途經過地鐵站。

    One Plus X 開箱實測! 外型 +  跑分 + 相機上手試!-28
    ▲ 西洋菜南街。

    One Plus X 開箱實測! 外型 +  跑分 + 相機上手試!-29
    ▲ 經過女人街,見到路飛!

    One Plus X 開箱實測! 外型 +  跑分 + 相機上手試!-30
    ▲ 終於回到主場。

    One Plus X 開箱實測! 外型 +  跑分 + 相機上手試!-31
    ▲ 夜晚收工去食野,當然都係相機食先!

    One Plus X 開箱實測! 外型 +  跑分 + 相機上手試!-32
    ▲ 晚上的女人街。

    One Plus X 開箱實測! 外型 +  跑分 + 相機上手試!-33
    ▲ 可以見到就算夜晚影出黎,效果都唔錯。

    One Plus X 開箱實測! 外型 +  跑分 + 相機上手試!-34
    ▲ 歸家經過的小公園。

    One Plus X 開箱實測! 外型 +  跑分 + 相機上手試!-35
    ▲ 充滿着童年回憶。

    小結
    總括黎講,呢部 OnePlus X 無論在外型、跑分、相機上都挺令人滿意,略有不足是屏幕方面,但整體上這部千元價位的手機都算合格。而且因為呢部 OnePlus X 嘅金屬邊框,拎上手嘅手感都好唔錯。不過大陸機始終都係大陸機,當呢部機用起上黎有點麻煩,原因就係佢沒有支援 Google Service,意思即係話連 Google Play 商店都無,只有一加獨有的「一加商店」,而且啲 App 並不齊全,好似 Vellamo 呢隻跑分軟件,在一加商店內是找不到的。如果呢部 OnePlus X 能夠內建埋 Google Play,相信在香港推出的話會大大加分! 唔知大家對於呢部 OnePlus X 有啲咩野評價呢? 覺得呢部機合格嗎?

    在文章刊登時,OnePlus X 的建議零售價為 HK $1859,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • OnePlus OnePlus X
    • 現時售價: 已下市
    • 尺寸: 140 x 69 x 6.9 mm / 138 g
    • 電池: 2525 mAh
    • 插卡: microSD
    • 螢幕: 1920 x 1080、 5 吋 AMOLED
    • 相機: 1300 萬像素CMOS
    • 顏色: 黑/白
    • 時間: N/A
    • 上市: 2015-11-05
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 無 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔