「國補」優惠殺到！OnePlus Ace 5 至尊版低至 $1827 人仔
OnePlus Ace 5 至尊版喺 2025 年 5 月 27 日先至發佈，當時官方定價係 2499 人仔起。但最近 OnePlus 官方商城趁住國補優惠，將價格進一步壓低，最低配置（12GB+256GB）國補後只需要 1827 人民幣（約港幣 $2000）就有交易！雖然呢個係內地官方商城價，要入手可能要搵代購或者自己集運，但計落條數，依然係相當抵。如果網友對國行手機有興趣，呢個價錢絕對係一個不可錯過嘅機會！按這裡有購買連結
OnePlus Ace 5 至尊版硬件規格
規格方面，OnePlus Ace 5 至尊版配備 MediaTek 天璣 9400+ 處理器，基於台積電第二代 3nm 工藝打造，採用第二代全大核架構。搭配 LPDDR5X 記憶體同 UFS 4.0 儲存，其主打嘅「電競三芯」除了天璣 9400+，還包括「靈犀觸控芯」，支援最高 3000Hz 瞬時響應採樣率，以及「電競 Wi-Fi G1 芯片」，提升穿牆能力和網絡穩定性。屏幕方面，用咗 6.83 吋 1.5K 柔性 AMOLED 直屏，解像度 2800×1272，支援 144Hz 刷新率。電池與充電則內置 6700mAh 大容量電池，並支援 100W 有線快充。官方數據顯示，用原裝充電器 14分鐘可充至50%，25分鐘充至80%，完全充滿約需44分鐘。
影相功能後置三鏡頭組合，包括 5000 萬像素 Sony IMX906 主鏡頭（支援 OIS 光學防手震）、800 萬像素超廣角鏡頭 同 200 萬像素微距鏡頭，前置鏡頭則為 1600 萬像素。其他功能方面，具備 IP65 等級防塵防水、X 軸線性馬達、立體聲雙揚聲器、NFC 同 紅外線遙控，機身左側設有一枚自定義 「快捷鍵」，可以一鍵觸發翻譯、錄音等功能。散熱系統則採用「冰河散熱系統」，總散熱面積達 41875mm²。