主題:3000mAH 電最正! 八舊水有找 CMHK 限定 AND A1 三個買點即入手

ePrice HK
  • 發表時間:2015-10-26 19:11 收錄檢舉
    真心認為只要一部手機有 D 人地無,你有嘅賣點,無論規格差 D, 入手值也會大為提高。好似呢部中國移動香港CMHK 獨賣 AND A1, 單睇規格,沒有入手的理由。不過,版主實測後,已立即進入會敗嘅 Gadget 排行榜,邊方面強成咁? 

    三千核電! 唔駛八百 CMHK And A1 有三個即敗嘅賣點-0
    ▲ AND A1 機背已印上中國移動 CMHK 嘅商標 「and」即係 A New Dream。其實,香港版嘅 AND A1 係無 Unlock,支援全港嘅 4G 網絡 (五模十一頻,包括日本用嘅  Band 1 2100) 。今次佢地都開放任何用家,都可以係佢地網站買機,唔一定上台,網上優惠價 $799,八百蚊有找。

    記得上年版主都介紹過 AND M811, 一年後,估不到 CMHK 還引入第二代。呢度規格其實無點升級,不過,機價「通縮」了,由上年千二蚊,變為折實八百蚊有找 (HK$799)。呢個價位,好重要,點解? 開估前, 再講返部手機。CMHK 廣告將佢整得好年輕,真機上手用色簡單。用上 Qualcomm S410 處理器,8GB ROM, 1GB RAM,五吋 720p 屏幕, 用跑分軟件一測, 不算好強勁。

    三千核電! 唔駛八百 CMHK And A1 有三個即敗嘅賣點-1
    ▲ 設計十分務實的 A1。

    三千核電! 唔駛八百 CMHK And A1 有三個即敗嘅賣點-2 三千核電! 唔駛八百 CMHK And A1 有三個即敗嘅賣點-3
    ▲ 採用八百萬像素鏡頭,亦有補光燈。有三大天王熱感鍵,出機用上 Android 4.4 系統。

    三千核電! 唔駛八百 CMHK And A1 有三個即敗嘅賣點-4 三千核電! 唔駛八百 CMHK And A1 有三個即敗嘅賣點-5
    ▲ 五吋 HD 芒,手感也 OK。 今次試玩係黑色版本。

    三千核電! 唔駛八百 CMHK And A1 有三個即敗嘅賣點-6
    ▲ AND A1 採用沒有 App drawer 嘅介面。而  Preload 嘅 CMHK App 全部也可以因應自己需求 Delete。香港版當然有齊 Google Service。系統已有 Google 中文拼音及倉頡輸入法。

    三千核電! 唔駛八百 CMHK And A1 有三個即敗嘅賣點-7  
    ▲ 用上 S410 CPU, 1GB RAM,Antutu 跑分兩二萬都無。不過, A1 也是雙卡雙待 4G 手機,可在手機內切換 4G SIM 卡槽。
     
    三千核電! 唔駛八百 CMHK And A1 有三個即敗嘅賣點-8
    ▲ Vellamo 三個評分都十分低。

    三千核電! 唔駛八百 CMHK And A1 有三個即敗嘅賣點-9
    ▲ Basemark ES2.0 分數只有 25.19。留意用 A1 玩遊戲,唔係效能問題,係手機沒有了很多 Android 手機嘅感應器,部份遊戲會玩唔到。
     

    賣點一:大電 + 省電

    但這個規格亦帶來低耗電嘅優點,原來 AND A1 跟機有 3000mAH 電池,我們用專門測試手機耗電情況 Geekbench III battery test 測過,得到接近十個鐘成績。這個測試會用不停開著手機處理噐約七成效能,由一百巴仙電量至零所需要時間,今年推出的旗艦手機一般只有四至五小時成績。
     

    賣點二:當 Pocket WiFi 咁用

    這個低耗電有乜用? 原來 AND A1 係行貨裡最平價兼打通香港及中國大陸 4G FDD 及 TDD 網絡,也包括 3G TD SCDMA 網絡。透過 Android 本身嘅 Tethering 功能,就可以當 Pocket WiFi 咁用。版主試過,用足一日,俾手機、電腦狂 Chur 一日都只係用左 30% 電量!版主行過場,其實支援中港 4G 嘅 Pocket WiFi 行貨都要八舊水。家陣有埋手機功能,抵好多。順手講講,AND A1 採用 Qualcomm CPU,好處係唔會跟 CMCC 3G 網絡有兼容問題,漫遊時收不到 4G 會跳去 3G,不會夾硬跌入 2G,市面上,採用 MTK CPU 嘅中港 3G、4G 手機,除左 HTC 外,全部都要加裝軟件才能解決,而 AND A1 無呢個問題。

    三千核電! 唔駛八百 CMHK And A1 有三個即敗嘅賣點-10
    ▲ 跟機有 3000mAH 電池,只是不能更換。Geekbench Battery Test 有九小時 42 分鐘,很誇張呢

    三千核電! 唔駛八百 CMHK And A1 有三個即敗嘅賣點-11
    ▲ 支援 microSD 記憶卡及 4G 雙卡雙待。
     

    賣點三:後備相機

    CMHK AND A1 另一樣比較有驚喜嘅係相機。雖然只有八百萬像素,但有 F2.0 大光圈,的確用來影相,效果唔錯!下面有 D 實拍,跟大家分享一下,我覺得用來當後備相機都 OK 嘅。

    三千核電! 唔駛八百 CMHK And A1 有三個即敗嘅賣點-12
    ▲ 相機介面簡單,但拍攝速度只係一般。

    三千核電! 唔駛八百 CMHK And A1 有三個即敗嘅賣點-13 三千核電! 唔駛八百 CMHK And A1 有三個即敗嘅賣點-14


    三千核電! 唔駛八百 CMHK And A1 有三個即敗嘅賣點-15 三千核電! 唔駛八百 CMHK And A1 有三個即敗嘅賣點-16


    三千核電! 唔駛八百 CMHK And A1 有三個即敗嘅賣點-17 三千核電! 唔駛八百 CMHK And A1 有三個即敗嘅賣點-18


    三千核電! 唔駛八百 CMHK And A1 有三個即敗嘅賣點-19
    ▲ 以八百蚊有找嘅機價來講,拍攝質素已合格有餘了。

    CMHK AND A1 係文章刊登時,賣價為 $799,按這裡有詳細介紹及最新報價
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • and A1
    • 現時售價: HK $799
    • 尺寸: 142 x 71.8 x 9 mm / 150 g
    • 電池: 3000 mAh
    • 插卡: microSD
    • 螢幕: 5 吋 IPS TFT
    • 相機: 800 萬像素CMOS
    • 顏色: 金 / 灰
    • 時間: N/A
    • 上市: 2015-10-26
    • 外型: 直立
      • 非 3G
      • 無 HSDPA
      • 衛星導航
      • Wi-Fi
      • 藍牙
      • microSD 記憶卡
      • 無 觸控
      • 無 自動對焦
      • 無 LED 閃光燈
      • 無 氙氣閃光燈
      • 3.5mm 耳機孔