新增多部產品 Trade-in 服務，十部爛手機可變高達 $5000？
頭先都講過，Microsoft 呢個回收計劃，並不是甚麼新鮮事，有左好耐。只係以往只可以「單部 Trade-in」，其實並不是太吸引。點解？好似手機，一般我地要放手機，主要原因可能係跌爆左芒、壞左等等，有損毀不難想像回收價都不會高，好似版主有部擺左 N 年仲要爆芒的入門機 Nokia Lumia 520，單部回收只可以收到 $50 的電子 Coupon。問題來了，電子 Coupon 是不能累積的，每次在 Microsoft 網店購物，只能用一張 Coupon，咁樣呢 $50 其實好似用途不大咁。而家，新增了「多部 Trade-in」的關係，你可以一次過 Trade-in 最多十部產品，到時就可以換取一張面額更大的 Coupon。例如一部爛 iPhone 6s plus 128GB，可以回收到 $520 Coupon，十部的話，變相就可以換取 $5200 的電子 Coupon，下次在 Microsoft 網店，就可以直接當 $5200 用。而家 Microsoft 更做緊限時優惠，Trade-in 至 Xbox One 套裝仲可以額外獲得 HK$400 添！網友覺得，咁樣會唔會好點呢？
▲ 「多部 Trade-in」過程並不複雜，只要登記產品數量，然後輸入收貨地址，就會有專人上門為你收件，收到產品後大約三個工作天內，Microsoft 就會以電郵方式，通知你電子 Coupon 的金額總值。如果你唔滿意 Coupon 的價值，仲可以退番貨添！
▲ 如果你選擇「多部 Trade-in」，你只能夠選擇產品類別、品牌以及數量，但不能即時知道產品的價值。如果你需要立即知道每件產品的價值，可以選用「單部 Trade-in」。
Microsoft 網店購物換取飛行里數
如果你本身係 Asia Miles 的會員，你可以在亞洲萬里通網站上看到有 Microsoft 的商戶，按「立即購物」，就會進入 Microsoft 的網店頁面。只要在 Microsoft 網上商店購物，就可以賺取「亞洲萬里通」里數，每購物 1 美元，可賺取 2.5 里數。而這個獎勵只適用於購買配件、服務、Surface、電話以及 Band 線，而購買 Apps 應用程式、音樂、電影、電視節目、Windows、Developer / Visual Studio、Office (非訂閱) 亦可獲得更多獎勵。至於購買 PC 硬件、HP Tablet 可得到的獎勵則較少。特別要注意的是，版主跟 Asia Miles 職員查詢過，假如在購買 Microsoft 產品時使用電子 Coupon，則賺唔到任何里數，亦即係話，假設你買左過萬蚊產品都好，只要你一用電子 Coupon，$50 都好，你連 1 里數都賺唔到。
▲ 按這裡進入亞洲萬里通 ishop 網站。