主題:旅行發燒友手機!翻譯過百語言 + 免插 SIM 全球漫遊

  • 發表時間:2018-07-06 11:16 收錄檢舉
    我們的手機放滿重要資料,有手機錢包又可以登入銀行帳戶,加上有很多重要的相片和文件,這些通通都在旅行時沒有作用,所以好多旅行發燒友都準備一部出發時先會用嘅手機,如果你正在物色之中,剛剛發表嘅 Sugar S20 值得留意,外形唔差加中階規格,最重要係啱晒旅行用。

    旅行發燒友手機!翻譯過百語言 + 免插 SIM 全球漫遊

    旅行手機的規格未必係重點,但都要循例介紹一下。Sugar S20 配備 6.18 吋 M 字額螢幕,解像度 2,246 x 1,080,搭配 Snapdragon 450 處理器、3/4GB RAM 和 32/64/128GB 儲存。手機有 Hybrid 雙 SIM 卡 microSD 插槽,並且有機背指紋辨識、12MP + 5MP 雙鏡頭相機、16MP 前置自拍鏡頭和 3,500mAh 電池,預載 Android 8.1 系統,並且有灰、粉紅和紫色機身選擇。

    旅行發燒友手機!翻譯過百語言 + 免插 SIM 全球漫遊 旅行發燒友手機!翻譯過百語言 + 免插 SIM 全球漫遊
    ▲ 6.18 吋 M 字額螢幕加雙鏡頭相機 ,外形設計和功能都係現時的主流。

    在早前的 Sugar S20 發佈會上,廠方的主打賣點是全球首部翻譯手機,對應 104 種語言,包括了維吾爾語、蒙古語等少數民族語言,支持離線翻譯、拍照翻譯等應用。官方表示部份語言的翻譯準確率高達 97%,而且機側有專用快速翻譯按鍵。除了系統翻譯,Suagr 還提供 24 小時專人翻譯的收費服務,不過由即日起至 9 月提供免費體驗。

    旅行發燒友手機!翻譯過百語言 + 免插 SIM 全球漫遊 旅行發燒友手機!翻譯過百語言 + 免插 SIM 全球漫遊
    ▲ 能夠翻譯過百種語言,去旅行想識朋友更方便,有埋拍照翻譯就唔怕睇唔明餐廳 Menu。

    手機有離線翻譯功能其實不難,維吾爾和蒙古語翻譯亦並非人人有用,點解 Sugar S20 咁實用?版主虎仔收到風,因為佢同之前版主 Keith 介紹過 Alcatel 3V / A3 XL,同樣擁有「寰宇通」功能,簡單來說就係支援 Virtual SIM,毋須插 SIM 都可以變身漫遊手機,毋須買卡插卡或個個月支付月費,出發前買個服務計劃就可以起行,最重要係 Sugar S20 稍後香港會上市,大陸會在 7 月 15 日上市,定價 1,999 人民幣起(折合 HK$2,363),香港的定價則要等港版上市時就知道。

    旅行發燒友手機!翻譯過百語言 + 免插 SIM 全球漫遊 旅行發燒友手機!翻譯過百語言 + 免插 SIM 全球漫遊
    ▲ 專用快捷鍵可以設定為翻譯按鈕,估唔到一向以靚行先嘅 Sugar,翻譯手機都有一粒水晶閃石作裝飾。

    資料來源:pconline
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁