主題:買一年英超送手機? Letv 傳推 Le1s x 英超月費計劃!

ePrice HK
  • 發表時間:2015-12-01 20:29 收錄檢舉
    相信大家都應該知道,Letv 樂視成功投得英格蘭足球超級聯賽 (簡稱英超) 下季起一連三屆的轉播權。咁到底有咩途徑可以睇到英超賽事呢? 之前版主 Keith 同大家提過,Letv 樂視推出的 Le 1s 會喺今個月在香港開賣,而家 有傳 Letv 樂視為左想推高 Le 1s 的受歡迎程度,推出左買 Le 1s 包英超賽事月費計劃,當中有利物蒲、阿仙奴、曼聯、車路士等版本選擇,相信能夠吸引到唔少人的注視。

    買手機送英超賽事? 有傳 Le 1s 推出英超別注版!-0

    大家有睇開波嘅應該都知道,英超聯賽一年共會有 380 場賽事,不過有啲人未必會睇哂全部 380 場,可能只會睇番自己心儀球隊嘅賽事。而 Letv 樂視就了解你的需要,所以推出左不同球隊的手機加英超月費計劃,例如你想睇利物蒲嘅賽事,你可以選擇利物蒲的 Plan,你想淨係睇阿仙奴賽事嘅話,你就可以揀番阿仙奴嘅 Plan,所有單一球隊的 Plan 價格都係一樣,月費為 HK $228,一共要簽 12 個月合約。另外,如果你想睇哂全部的賽事,你就可以選用 HK $318 月費的 Plan。

    買手機送英超賽事? 有傳 Le 1s 推出英超別注版!-1
    ▲ 月費為 HK $228。

    呢啲英超球隊別注版 32GB 的 Le 1s,最特別的地方在於在機背會印有你喜歡的球隊嘅圖案,除左以上提及的四個版本之外,仲有英超特別版以及曼城,就俾大家睇下佢嘅外型係點:

    買手機送英超賽事? 有傳 Le 1s 推出英超別注版!-2
    ▲ 曼城版本。

    買手機送英超賽事? 有傳 Le 1s 推出英超別注版!-3
    ▲ 利物蒲版本。

    買手機送英超賽事? 有傳 Le 1s 推出英超別注版!-4
    ▲ 英超特別版。

    如果 Letv 樂視真係為左英超聯賽推出呢幾款特別版手機的話,相信會令到球迷們瘋狂。但如果呢個消息屬實的話,相信英超特別版 + 該季所有賽事呢個 Plan 應該會十分受歡迎。如果大家會買的話,你會選擇邊個版本的 Le 1s 呢? 留言講下你嘅意見啦!

    來源:imgur

    立即加入Facebook 專頁,新聞/消息/優惠,最快知。

    01樓 ▲TOP 回列表頁