主題:12.08 Letv 發「大」招! 4GB RAM + 2K 芒 旗艦手機將要抵港?

ePrice HK
  • 發表時間:2015-12-07 14:14 收錄檢舉
    之前版主 Keith 同大家分享過,全新 Letv 樂視超級手機 Le 1s 將會在今個月引入香港開賣。Letv 樂視最近不時在 Facebook 專頁上宣傳,黎緊 12 月 8 日會舉行一個發佈會,大家都應該估到正是發佈呢部比較入門級 Le 1s。不過最近又有消息指出,當日除左會發佈 Le 1s 之外,仲有好大可能會同步出埋旗艦級的 Le Max,唔知呢個消息又會唔會吸引到你呢?

    12.08 Letv 發「大」招! 4GB RAM + 2K 芒 旗艦手機將要抵港? -0

    前幾日 Letv 樂視在 Facebook 專頁上上傳了一張預告圖,圖中你可以見到兩部手機,一部手機比較細部啲,而另一部手機就比較大部啲。咁細果部好明顯就係 Le 1s,大果部雖然只有背面,但都能夠睇得出絕對唔係 Le 1s,因為 Le 1s 的主鏡頭部份是在機背左上方,並不是圖中所展示的置中。而 Le 1s 的指紋辨識器是圓形,而非圖中所展示的方形。而 Letv 樂視推出的手機中,擁有大屏幕而且機背中間有方型的主鏡頭及指紋辨識器,估計就是 Le Max,而 Letv 樂視在 Facebook 上上傳呢幅圖,相信係暗示緊 12 月 8 日當日,除左會有 Le 1s 之外,仲好大機會會同時出埋 Le Max。

    12.08 Letv 發「大」招! 4GB RAM + 2K 芒 旗艦手機將要抵港? -1
    ▲ Letv 樂視在 Facebook 專頁上傳的暗示,而網民對於這部 Le Max 抱有挺高的期待。

    Le Max 採用了全金屬一體化設計,擁有 6.33 吋 2K 解像度的超高清大屏幕,並配備了 Qualcomm Snapdragon 810 八核心處理器,內置了 4GB RAM。至於儲存容量方面,睇番之前版主 Lawrence 的 Le Max 實測,講到 Le Max 在大陸推出左 32GB、64GB 以及 128GB 版本,咁黎到香港會推出甚麼版本,暫時是個未知之數。至於相機方面,Le Max 採用了 2100 萬像素 OIS 光學防震 6 鏡片式鏡頭,在主鏡頭上規格相當吸引。另外,Le Max 具備極速指紋解鎖功能,並擁有 3400 mAh 電池。

    4GB RAM + 2K 芒! 6.3 吋樂視樂 Max(Le Max) 抵港開箱

    12 月 8 日 Letv 樂視發佈會,除左有 Le 1s,仲有旗艦級的 Le Max,真係令人期待。而版主我最關心的地方,莫過於價錢方面,希望呢部 Le Max 黎到香港價錢唔好太貴啦! 唔知大家對於呢部擁有 4GB RAM + 2K 芒+ S810 處理器的智能手機有無興趣呢?

    來源: Letv 樂視 Facebook

    立即加入Facebook 專頁,新聞/消息/優惠,最快知。

    01樓 ▲TOP 回列表頁