性價比勝小米!百元機今期至抵,居然係佢?

左定坤 (Cho Ting Kwan) | Leeco
相信今時今日有不少網友都有唔止一部手機,通常都係一部主機 (喺版主的定義來說,主機即係用來收 whatsapp 果部),其他當佢係後備機。但係如果問到,用乜嘢手機黎做後備機好呢?相信好多人都會覺得,性價比愈高愈好,係呀我都係咁諗,所以呢個時候就有好多人考慮大陸機,最好就直澄一千蚊唔使,咁就 perfect。百元機又要性價比高,選擇並不算太多,數來數去都係小米,不過由今日 (9/6) 開始,大舖又加入了一個百元機又性價比高的成員,想知邊部,睇下文啦!

場料(Facebook).jpg
 

$800 唔使,入手 S652 + 3GB + 32GB 手機!

講明先,其實並唔係啲乜嘢新手機,不過係有一部原來賣千幾蚊的手機,而家跌到落一千蚊唔使。講緊嘅係樂視 Le 2,本來呢版主都已經好少介紹樂視手機,因為通常來說,即使樂視手機減價,如果唔係減得多,都真係無乜人 care。不過今日突然跌到落 $799,又唔同講法,呢個價錢買部 S652 + 3GB RAM + 32GB 的手機,又確實係幾抵玩,難怪多左好多人入手。聽大舖的職員表示,呢部 Le 2 真係少有地多人買,見到有不少網友都話要買。不過聽聞大舖貨量都幾多,理論上應該唔使點搶,都可以買到。你又有無買呢?

19073319_448812172144261_298424929_o.jpg
 

百元機真係以 Le 2 性價比稱霸,第二後備機選擇係......?

講真,而家無論係行貨還是水貨,真係好難搵到一部性價比高、值得入手的百元機。幾百蚊貨仔,好多時一係就 MTK U,一係就俾到盡得 2GB / 16GB。七百幾蚊又有 Qualcomm U 又有 3GB / 32GB,目前真係得樂視 Le 2。Le 2 以外,仲有乜好選擇?第二選擇應該會是紅米 Note 4X,同樣 3GB / 32GB 最平都要 $1099,性價比係好高但今次都唔夠 Le 2 黎。不過紅米 Note 4X 仲有 4GB / 64GB 選擇,賣 $1399,如果 Le 2 同紅米 Note 4X 相比,你會揀邊部呢?

prince1025_3_77b0bd429b88db49e13b7c676c24ec76.png

Le 2 在文章發表時,大舖賣價為 $799,按這裡有詳細規格及最新賣價
紅米 Note 4X (3GB/32GB) 在文章發表時,大舖賣價為 $1099,按這裡有詳細規格及最新賣價
廣告