Nothing Phone (4a)、Nothing Phone (4a) Pro 開箱
▲ 兩機包裝盒。
▲ 一拆開包裝盒，又會見到有堆文字，叫你歡迎來到 Nothing。
▲ 入面有手機。
▲ 除咗說明書仲有透明殼。
Nothing Phone (4a)：玩味十足，延續透明經典
先講下基本版 Phone (4a)。外觀方面，佢保留咗 Nothing 標誌性嘅透明機背設計，依舊非常搶眼。今代仲加入咗全新嘅 Glyph Bar，如果你平時鍾意將部機反轉放，呢個閃燈提示就非常實用。耐用度亦有明顯提升，機面用咗 Gorilla Glass 7i 玻璃，而且支援 IP64 防塵防水，應付日常淺水濺濕或者落雨都無問題。屏幕方面，Phone (4a) 升級咗一塊支援 120Hz 動態更新率嘅 AMOLED 靚芒。佢嘅戶外亮度可以去到 1,600 nits，而 HDR 峰值亮度更加高達 4,500 nits，畫面銳利鮮艷。效能方面，佢配備咗 Snapdragon 7s Gen 4 處理器，對比上代嘅 7s Gen 3 有明顯升級。配合 12GB RAM 同埋 256GB 儲存空間，日常操作或者玩大型手遊都非常穩定流暢。
至於相機，Phone (4a) 嘅硬件質素算係中規中矩，變焦能力相對較弱。不過佢嘅賣點係內置相機 App 加入咗大量創意工具，支援自訂 LUTs 同 preset，感覺就好似將 Fujifilm 嘅菲林濾鏡放入手機咁，玩味十足。電量方面，用足一日絕對無難度。系統就預載咗基於 Android 16 嘅 Nothing OS 4.1，體驗依然係咁簡潔爽快。
▲ 手機正面。
▲ 手機背面。
▲ 鏡頭設計是這樣的。
▲ 同以往一樣都是透明機背。
▲ 粉紅同藍色你中意邊隻多啲?
▲ 鏡頭側邊仲有條 bar 識發光。
Nothing Phone (4a) Pro：金屬機身配 140x 變焦，真正嘅「大進化」
如果話 Phone (4a) 係入門靚仔之選，咁 Phone (4a) Pro 就絕對係一部成熟、甚至令人覺得有旗艦 Feel 嘅作品。攞上手第一感覺，Phone (4a) Pro 係 Nothing 第一款採用航空級鋁合金一體成型機身設計嘅手機！機身厚度只有 7.95mm，重量 210g。為咗突出金屬質感，以往大面積嘅透明機背設計，今次只係保留喺頂部凸起嘅鏡頭同 Glyph Matrix 模組範圍。機身支援 IP65 防塵防濺水。呢個金屬設計令部機揸上手手感更實在、更 Premium。
佢嘅 Glyph Matrix 亦都變得更大更光，擁有 137 粒 mini-LED，亮度高達 3,000 nits。屏幕方面絕對係頂級配置，用上一塊 6.83 吋嘅 1.5K 柔性 AMOLED 屏幕，支援 144Hz 超高更新率。高亮度模式有 1,600 nits，而峰值亮度更達到誇張嘅 5,000 nits，仲有 2,160Hz PWM 調光保護雙眼。
性能同續航力都非常對得住個「Pro」字。佢搭載 Snapdragon 7 Gen 4 處理器同埋 UFS 3.1 快速儲存，整體表現非常可靠爽快。最正係佢將電池容量加大到 5,400mAh，配合 50W 有線快充，大約 20 分鐘就可以由零充到 50%。不過略嫌可惜嘅係佢唔支援無線充電。
最後講埋屈機嘅相機！Phone (4a) Pro 配備 5000 萬像素三鏡頭系統。主鏡頭升級咗做支援 OIS 嘅 5000 萬像素 Sony LYT-700C 感光元件。最誇張係佢加入咗 5000 萬像素潛望式長焦鏡頭，提供 3.5 倍光學變焦，甚至透過 AI 運算做到高達 140 倍嘅超遠變焦（雖然 140x 畫質去到極限有時會飄忽）。另外仲有 800 萬像素超廣角鏡頭，前置鏡頭就有 3200 萬像素。以中階機嚟講，呢套組合絕對交足功課。
▲ 手機正面。
▲ 前置鏡頭。
▲ 鋁合金機背設計，終於唔玩透明。
▲ 多咗個屏幕，可以顯示時間等功能。
▲ 左側有快捷鍵。
▲ 右側有音量鍵以及電源鍵。
▲ 支持最高 140x 變焦。
Nothing Phone (4a)、Nothing Phone (4a) Pro 外觀比較
▲ 機背對比。
▲ 我個人中意 Pro 多啲。
▲ 鏡頭對比。
▲ 右側對比。
▲ 機底對比。
▲ 右側對比。
Nothing Phone (4a)、Nothing Phone (4a) Pro 性能比拼
▲ 左: 配備 Snapdragon 7 Gen 4 的 Nothing Phone (4a) Pro，安兔兔跑分為 1469440 分；右: 配備 Snapdragon 7s Gen 4 的 Nothing Phone (4a)，安兔兔跑分則為 1160569 分。
相機比拼 (左: Nothing Phone (4a)、右: Nothing Phone (4a) Pro)
