HKBN 推出全新品牌 N Mobile + 計劃詳情
香港寬頻 HKBN 今日宣佈推出全新品牌 N Mobile，以「N 個選擇、N 種生活」為理念，為用戶帶來「N 個優惠」，計劃賣點包括月費低至 $108 (免行政費)，即享本地及 / 或大灣區流動通訊 (網絡由 3 支援)、Global SIM 旅遊數據卡、Global Talk+ 漫遊通話 App 及 HKBN SAFE 網絡安全防護，並且聯乘多個知名品牌，推出「本地 + 海外」旅遊生活體驗優惠，旅遊數據先用後付款，讓你可以隨時輕鬆出發，並有多個流動通訊服務計劃可供靈活選擇。
▲ 月費計劃可以自己砌，鍾意 4.5G 又得，5G 又得；要 1GB 大灣區數據又得，唔要又得，如果你揀 4.5G 42Mbps 數據，用完指定數據後就降速至 128kbps 任用，而如果係 5G Plan，用完指定數據就可以 1Mbps 無限任用。而呢個月費計劃，仲包 Global SIM 亞太區漫遊數據、Global Talk+ 漫遊通話等服務。
▲ 如果係 5G 網絡，則係 $128 起，有 20GB 數據連 14 日 Global SIM 亞太地區數據，比較起中國移動香港 CMHK 嘅 5G Plan，都係 $125 有 20GB、免行政費，但就有送 1GB 每月大灣區數據。而如果 N Mobile 要埋每月 1GB 大灣區數據，就要 $148，不過就好多嘢送，如果你係成日鍾意去旅行或者北上，N Mobile 或者會更適合你。
▲ HKBN N Mobile 包嘅 Global SIM，喺實用性上都碾壓其他對手，唔單止每日數據用量有 1GB，而且仲覆蓋超過 85 個國家地區，每 GB 收費為 $15 起。
登記 N mobile 計劃有乜優惠？
由即日起，透過 HKBN N Mobile 網站登記 N mobile 計劃，即可獲網上尊享迎新優惠，第一撃優惠包括：－ $1 任搭深圳地鐵：唔少香港人都鍾意北上深圳消費，N mobile 夥拍 AlipayHK 為用戶帶來 $1 深圳地鐵優惠，無論遠近都只需 $1 就可以任搭深圳地鐵，N mobile 會支付餘額，上限 $100。
－ 外賣優惠：N mobile 亦為用家送上高達 3 個月免費 foodpanda pandapro 會籍 (價值 $297)。
－ 佢哋仲會有其他合作夥伴，包括 Agoda、KKday 等。
呢個 Plan，網友又覺得抵唔抵呢？
按這裡進入官網了解更多 HKBN N Mobile 優惠詳情