HKBN 正式登陸 eSIM 服務
eSIM 係數碼化嘅 SIM 卡，唔使實體卡，只要你用支援 eSIM 嘅手機或流動裝置，掃描 HKBN 提供嘅 eSIM 二維碼 (QR code)，就可以喺裝置上直接下載 eSIM，連繫網絡。唔使驚 SIM 卡遺失或損壞，相當方便！同時，一機多號同管理多張 eSIM 功能，更加適合經常要換網絡嘅用家。點樣揀同攞 eSIM？
新登記服務：喺 HKBN 流動通訊服務計劃登記時，客戶可以揀 eSIM，之後系統會透過電郵送出連結，登入「我的戶口」睇二維碼。現用實體 SIM 轉 eSIM：有實體 SIM 嘅用家，可以親臨 HKBN 門市換 eSIM。
儲值卡 eSIM：新買儲值卡嘅用家，可去 HKBN 門市購買，詳情按此查閱。
點樣下載同啟動 eSIM？
HKBN 會提供一個 eSIM 二維碼，用家用流動裝置掃描後即可下載同啟動。下載時要連 Wi-Fi 或流動數據。另外，確保你嘅裝置支援 eSIM，掃描後呢個二維碼只適用於單一裝置，唔可以轉去其他機。
而 HKBN 官網就以 Apple XS 作為範例，教大家如何啟動 eSIM：
001：喺「設定」揀「流動數據」。
002：點擊「新增計劃」。
003：掃描 HKBN 提供嘅 eSIM 二維碼。
004：跟指示完成下載同啟動。
注意事項同常見問題
Q1：eSIM 同實體 SIM 有咩分別？A1：兩者基本功能相似，但 eSIM 更方便同安全，惟要確認你嘅裝置是否支援 eSIM。
Q2：可以轉去另一部機？
A2：唔可以，一個 eSIM 只限一個裝置。轉機要去 HKBN 門市辦理，收 $50 手續費。
Q3：重設手機點算？
A3：記得揀「保留 eSIM」，否則要補領 ($50)。
Q4：儲值卡 eSIM 即時用唔用得？
A4：因香港電訊規例，要先完成實名登記，成功先用。
HKBN 今次推出呢個 eSIM 服務，係由 3 香港提供，HKBN 係指定銷售代理，詳細條款要睇 3 香港規定。