HKBN Global SIM 月月通計劃推出！日費低至 $4，享全球超過 50 個國家漫遊數據

左定坤 (Cho Ting Kwan) 2025-08-04 18:51 | 中國聯通

唔少朋友都試過突然想即興外遊，例如話收工去深圳食個飯，或者周末飛去日本、泰國輕鬆一下，但每次出發前都要抽時間買漫遊 SIM 卡，實在好麻煩！而香港寬頻 HKBN 嘅 N mobile，最近推出 Global SIM 月月通計劃，一卡走天涯，無論係亞太區定全球旅行，隨時有數據用，仲有日費低至平均 $4，性價比相當高！想知詳情，睇下文啦！



N mobile Global SIM 月月通計劃真是一個外遊神器，專為經常外遊嘅網友而設！呢個計劃有兩大選擇：亞太及中國內地數據月費計劃同環球數據月費計劃，每月固定收費，唔使擔心額外數據費用，預算一目了然。最正嘅係，呢張 Global SIM 支援全球漫遊，無論你去邊度，都唔使再頻繁換 SIM 卡，慳時間又方便！

計劃仲提供漫遊數據日券，每日首 1GB 係全速數據，之後以最高 128kbps 無限任用，睇 WhatsApp、Google Maps 或者上網查資料都無問題。最吸引係日費低至平均 $4（以 10 日亞太及中國內地旅遊數據日券計算，$38 一個月包 10 日），而環球數據亦只需月費 $68，包每月 15 日，真心幾抵玩！計劃有 24 個月最短合約期，適合長期需要漫遊數據嘅用家。唔知你又對呢個月月通計劃有無興趣呢？