▲等了一個月，腦場終於有 VAIO W 賣了！鐵價不二，$3,980。
VAIO P 價高趕客，Sony 終於面對現實，推出賣真正 Netbook 價錢的 VAIO W。$3,980 的定價及 Sony 的名氣，加上粉紅色版額外拉攏到女性用家，從網上得見，VAIO W 的確有唔少人有興趣，由 7 月頭發布開始，就不停問幾時正式推出？
Sony Style 網站明明寫住 8 月 14 日推出，點知過了當日，唔單只網上要繼續訂貨訂貨訂貨，專門店一樣冇現貨賣，王大文問過 Sony 服務人員，他們都話唔知幾時有貨，連 Sony 自己都冇，其他電器舖更唔使諗了。結果一等再等，早兩日終於俾我見到市面有 VAIO W 賣了，但聽聞貨量都唔係好多。好彩，兩個月部機或者會好搶手，但過了兩個月後，佢粒 N280 CPU 已開始 out，應該有唔少比佢更好的選擇，要買 VAIO W 可能唔難了。
▲由 7 月頭 VAIO W 發布開始，Sony Style 網站就寫住佢會在 8 月 14 日推出，結果遲到了將近一個月。
▲8 月時，Sony Style 專門店雖有 VAIO W Demo 機做陳列，但就冇現貨賣，只叫客人訂貨。