主題:Sony 兩款新耳機實機圖賞 : MDR-NC750、SBH54

ePrice HK
  • 發表時間:2015-09-07 20:08 收錄檢舉
    今年 IFA 大展中, Sony 除左發佈左三款 Z5 系列的旗艦手機外,仲發佈左兩款耳機。咁其實 SONY 發佈會當晚,版主我已經為大家簡單介紹過呢兩款耳機,佢地分別為 MDR-NC750 同埋 SBH54。而家 EPrice 版主就為大家獻上更多資料以及呢兩款耳機嘅實機圖賞。

    Sony 兩款新耳機實機圖賞

    Sony MDR-NC750:降噪、High-Res Audio 二合一
    首先就係 Sony MDR-NC750 呢款有線嘅耳機,佢採用左一般入耳式耳機嘅設計,就咁睇就好似無咩咁特別。上次就同大家提過,呢款耳機擁有強大的降噪能力,透過支援 DNC 嘅 SONY 手機,可以有效降低四周環境高達 98% 嘅噪音。唔單止係咁,佢亦都支援 High-Res Audio 音樂播放,能夠給用家高質素嘅音樂享受。目前上市日期和實際售價仲未收到風,不過聽聞價錢唔會平!


     

    Sony 新款配件搶鮮看:MDR-NC750 降噪耳機、SBH54 藍牙立體聲耳機
    ▲ 睇落去簡簡單單,實質佢一啲都唔簡單!

    Sony 新款配件搶鮮看:MDR-NC750 降噪耳機、SBH54 藍牙立體聲耳機
    ▲ 除左白色之外,另外仲有黑色俾大家選擇。

    Sony 新款配件搶鮮看:MDR-NC750 降噪耳機、SBH54 藍牙立體聲耳機
    ▲ 支援數位降噪,能有效減低周圍 98% 噪音,而且支援 High-Res Audio 音樂播放。

    Sony SBH54:延續 SBH5x 系列特色

    接住落黎就係另一款耳機 - Sony SBH54。佢係一款藍芽立體聲耳機,係 SBH5x 系列嘅最新款式。首先外型方面,以往嘅 SBH5x 系列耳機造型比較單調,都係單純黑色嘅機身,而家 SBH54 多左顏色選擇,包括啡色同金色,增添左高雅嘅感覺。

    而功能方面,佢配備 3.5mm 耳機孔,你可以自己選擇用藍芽定係插有線耳機聽歌。除此之外,呢部耳機亦都支援 FM 收音機、NFC、數位降噪等功能。另外,當有人打電話俾你嘅時候呢,由於呢款耳機本身內建聽筒同MIC,你亦都可以直接揸住部耳機講電話,就算你身邊無 HEADPHONE 係度都無有怕! 同埋呢,佢嘅電量好充足,可以支持到 8 小時音樂播放、5 小時通話時間以及 300 小時待機時間。目前這款耳機的上市時間及售價當未有消息。

    Sony 新款配件搶鮮看:MDR-NC750 降噪耳機、SBH54 藍牙立體聲耳機
    ▲ 有啡色同金色兩種顏色俾你選擇,耳機下方印有 SONY 字樣。

    Sony 新款配件搶鮮看:MDR-NC750 降噪耳機、SBH54 藍牙立體聲耳機
    ▲ 設有內建聽筒及MIC,可直接用黎講電話。

    Sony 新款配件搶鮮看:MDR-NC750 降噪耳機、SBH54 藍牙立體聲耳機
    ▲ 側面有返回鍵、音樂控制鍵以及電話接聽鍵。

    Sony 新款配件搶鮮看:MDR-NC750 降噪耳機、SBH54 藍牙立體聲耳機
    ▲ 耳機頂設有 3.5mm 耳機孔,你可以自己插線黎聽歌。

    Sony 新款配件搶鮮看:MDR-NC750 降噪耳機、SBH54 藍牙立體聲耳機
    ▲ 正面有一個小型的單色 OLED 螢幕,可顯示來電通知、簡訊、時間、曲目等資訊。

    呢兩款耳機中,你會中意邊一款呢? 從外型方面黎睇,我比較中意第二款立體聲藍芽耳機果部! 加上我對音樂質素無咩特別要求,最主要都係睇價錢! 你會根據咩準則去買耳機呢? 同我分享一下丫!

    立即加入Facebook 專頁,新聞/消息/優惠,最快知。

    01樓 ▲TOP 回列表頁