神之手!一指隔空控制!Sony Xperia Touch 新功能介紹

左定坤 (Cho Ting Kwan) 2017-11-14 16:57 | Sony
記得版主之前曾經在日本玩過 Sony Xperia Touch 的示範,覺得呢部智能投影機確實是挺好玩的,既可以投射在桌上當鋼琴彈,又可以射到牆上當電視睇,算係一件挺高科技的產物。而最近 Xperia Touch 就加入了新功能,可以隔空用手指控制畫面,又係咪真係咁實用呢?版主今日就去聽 Sony 對 Xperia Touch 新功能的介紹,於是就立即同大家分享一下!看下文吧!

Sony(Facebook).jpg

其實 Sony Xperia Touch 係幾好玩的,不過平心而論,呢部 Xperia Touch 定價確實貴了一點,但想不到今日聽 Sony 說起,原來 Xperia Touch 在香港市場銷賣情況居然是相當不錯,比起外國銷量要好得多,看來還是有不少香港人會願意花一大筆錢去購買。

入返正題,講返 Xperia Touch 新加入的功能,其實是可以讓用家坐在 1 米 -  4 米左右的範圍內,都能夠透過手指隔空控制畫面:當你舉起你的手指,Xperia Touch 的鏡頭就會自動偵測到,而當你屈曲你的手指,就相等於平時手機按了一下屏幕,這樣就能夠遠距離控制 Xperia Touch。另外,當你播片的時候,剛巧有朋友打電話黎,你想 Mute 左佢的話,只要將手放在嘴巴位置,做「口殊」的動作,就可以簡單將裝置變成靜音。

23634245_519341045091373_1843738525_o.jpg
▲ Sony 派給記者們的新功能介紹。

Sony Xperia Touch 新功能介紹



不過,係咪真的這樣實用呢?我會說,如果進行簡單的操作,例如播片要進行快進、快退等等,是很方便的。但假如要進行一些繁雜的動作,例如上網、打文等等,就會相當吃力。另外還有一個限制,就是每次只能用一隻手指操作,並沒有 Muiti-touch 功能,假設你要開地圖的話,暫時就無辦法做到 Zoom in / Zoom out。對於這個新功能,網友又點睇呢?

Sony Xperia Touch 在文章發表時,香港賣價為 $11980,按這裡可以睇返 Xperia Touch 的開箱評測

最新新聞