主題:第二代 AirPods 真的來了!支援無線充電,香港賣價即睇!

ePrice HK
  • 發表時間:2019-03-20 21:24 收錄檢舉
    本來 25/3 先係 Apple 春季發佈會,不過在此之前,Apple 新產品已經陸續現身,前日就突然更新咗第五代的 iPad mini,今日 Apple 官網又出現了全新的 AirPods,到底有乜更新,會唔會有新色,賣價又幾多呢?睇下文啦!

    第二代 AirPods 真的來了!支援無線充電,香港賣價即睇!

    Apple 突然再在官網推出了第二代的 AirPods,由全新的 Apple H1 耳筒晶片驅動,配備光學感應器和動態加速感應器,能夠偵測到耳機係唔係已經放咗落耳邊。無論係用緊 AirPods 的兩邊,抑或用緊其中一邊,H1 晶片都會自動導引音訊,並啟動麥克風。同時,新 AirPods 亦會支持 Siri 功能。

    續航部份,一次充電,新 AirPods 能夠提供 5 小時聆聽時間和 3 小時通話時間,並且配備無線充電盒,能夠提供多次的充電量,足夠超過 24 小時所需。另外,新 AirPods 亦支持快速充電功能,只需放在充電盒中 15 分鐘,就能夠提供 3 小時聆聽時間或 2 小時通話時間。還有就是,充電盒可使用兼容 Qi 的充電墊無線充電,或者透過 Lightning 接口充電亦可。

    第二代 AirPods 真的來了!支援無線充電,香港賣價即睇! 第二代 AirPods 真的來了!支援無線充電,香港賣價即睇!

    至於大家最關心的價錢部份,全新的 AirPods 比上代貴了 $300,連埋無線充電盒,建議零售價為 $1599,今日訂購,將於 26/3 - 28/3 發貨,每位顧客只限購買 2 部。最可惜的是,全新的 AirPods 都是只有白色,沒有新色。呢個價,網友點睇呢?

    第二代 AirPods 真的來了!支援無線充電,香港賣價即睇!
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁