主題:毋須 account,一鍵開啟 Skype 視窗! 開會聊天無難度!

ePrice HK
  • 發表時間:2015-10-16 16:46 收錄檢舉
    Skype 呢個軟件相信大家都唔會覺得陌生,佢係一個可以俾大家聊天、開會、視像通訊嘅平台,特別係如果你有親朋戚友移居左去外國,呢個軟件能夠方便你地聊天甚至見面。以前如果你想邀請人地喺 Skype 通訊,就需要對方開個 account 先可以用到,但最近 Skype 就話,遲啲連 account 都唔需要開,只要有條 link 就可以邀請人地加入對話,咁樣唔知會唔會方便好多呢?

    毋須 account,一鍵開啟 Skype 視窗! 開會聊天無難度!

    當然,邀請人本身自己要有一個 Skype 帳號,而用戶只需要創建一條 link,透過 Facebook、Whatsapp、email 等社交平台 share 出去,接收人只需要按入去條 link,就可以立即加入對話。如果你電腦或者裝置上有 skype 呢個軟件,就會自動打開個 app 進入對話。但如果你電腦無裝到呢? 都唔緊要,因為你按完條 link,就會自動進入網頁版嘅 Skype,咁樣低使用量嘅用家就算唔 download Skype 軟件,都一樣可以透過 Skype 同朋友、同事傾偈同埋進行視像通話。

    以下就俾大家睇下 Skype 呢項功能嘅宣傳片,等大家能夠深入了解一下:


    據 Skype 稱,目前呢項功能只會開放俾美國同英國嘅用家,但將會喺未來數周內局部開放埋俾世界各地唔同嘅用家。唔知大家覺得呢項新嘅改變有無方便左呢? 

    來源:Skype

    立即加入Facebook 專頁,新聞/消息/優惠,最快知。

    01樓 ▲TOP 回列表頁