買邊款錶帶？一張圖明晒！Apple Watch 官方導購指南

Eddie 2015-04-10 08:15 | 科技新知

今日 （4 月 10 日）係 Apple Watch 正式可以預購既日子，不過睇落反應都幾一般，係咪因為定價嚇走大家呢？不過應該都有網友想早買早享受，始終科技產品唔係一定用黎炒架麻！到今日仲未決定買邊種錶帶？Apple 其實已經推出左一個尺寸既導購指南，一張圖睇得明晒，想買既一定要參考！

蘋果官方尺寸表！手大手細都有選擇

大家都知道，買錶同買手機、電子產品唔同，先決條件都係要啱戴先。不過好似官方之前都冇講過每一種錶帶既大細啵？其實係 iOS 上面既 Apple Store 已經有一個完整既列表，不過版主到今日仲未係官網見到，就唯有 Cap 圖分享比大家睇啦，大家可以見到皮革手帶只有中碼與大碼，而 38mm 與 42mm 各有不同的大細，大家可以 Click 入下面張圖，放大對比下，再度下自己隻手。


▲蘋果官方的尺寸指南，一張圖睇清楚每種錶帶大細，無謂心大心細，只有手大手細