版主試戴體驗分享：完全試手感！Sport 手帶手感都幾唔錯啵！
版主 Eddie 今朝就 8 點鐘去到中環 Apple Store 排隊，可能真係冇乜人想知道 Apple Watch (或者大家都要番工啦），所以好容易就成為第一批試到 Apple Watch 既用家啦，就版主知道 Apple Store 員工都係今日先開始有得試玩，即刻感覺良好。而試戴就需要先係 Apple Store 向員工登記，然後再去排隊，不過點都好啦，試玩既人唔算太多，暫時要去試戴都唔係一件難事。入到門口之後，版主就被帶上二樓，有專區可以即刻試戴 Apple Watch ，就版主所見已經有 8 款唔同款式、大細既錶帶可以試，基本有 Apple Watch 同埋 Apple Watch Sport ，不過因為顏色方面未番齊，所以如果想襯色既話要 24 號先可以試得晒，暫時都係比大家試錶帶既大細既姐。好似版主之前講咁，其實 Apple Watch 有唔同尺寸既錶帶可以揀，咁樣 Apple Store 員工都係呢個方面比意見，就會量度用家手的大小，然後幫佢揀適合既錶帶，佢地亦好親切咁幫版主戴錶，服務好到令版主有少少唔慣。（其實可以選擇自己戴
）版主 Eddie 就試晒咁多款錶帶，感覺最好的是磁石扣錶帶的 Apple Watch (呢一款），因為易戴又易除，不過連佢地員工都唔知吸唔吸手汗，濕水會唔會變硬唔好戴；而最平價既 Apple Watch Sport 連運動型膠錶帶其實手感唔錯，不會很「啜手」，亦係相當有彈性，戴上手唔會有「侷促」既感覺，而鋼錶帶有輕易可以拆開調大小的設計，造工都相當不錯，但問題就係貴左少少啦
。另外因為一直充電，所以版主試戴 Apple Watch 的時侯感覺有點熱，亦令我對 Apple Watch 既感覺大打折扣啊！對了，係現場試戴其實就真係「試戴」，因為所有試戴區的 Apple Watch 都冇同 iPhone 連動，換句話說係試唔到功能，想試功能要去番一樓 Display 區，大家如果只係想試功能，而唔係想試手感其實唔需要排隊啊…
。順帶一提，錶帶只有分 38mm 與 42mm ，所以是任換的，換句話說有機會出現第三方錶帶（甚至山寨錶帶？！）
▲現場就已經有齊 42mm 與 38mm 的不同錶帶
▲大家可以比對唔同顏色同款式
▲會有不同大小、長短款式的錶帶，其實最主要都係試尺寸
▲亦有唔同顏色可以試，但如果想更多 Mix and Match 就要等多排，因為唔同顏色錶帶未番晒啊
▲版主最愛的磁石錶帶，超方便，手感都唔錯
▲同樣有唔同長短
▲版主覺得很貴的鋼帶，拆除扣子需要少少指甲，其實都係幾方便的
另類體驗：我有 $78,000 係手啊！！！ Apple Watch Edition 超豪氣！
上面試玩兩款基本款，版主要求試埋有網友問：「有冇 13 萬果隻可以試？」其實佢地有開口問過版主想試邊隻，其實係有得揀，各種錶帶款式都是有的，但你叫版主點開口？「黎，攞最貴 13 萬果隻比
▲這就是 Apple Watch Edition 的盒子，很不同吧。版主覺得很土豪…已經不 Apple 了（反正大陸人喜歡，沒關係吧）
▲一隻買到二手車（或一手電單車，仲要唔係入門款）既 Apple Watch Edition 在版主手，諗番起都真係接受唔到
Apple Watch 開賣相關新聞：
買邊款錶帶？一張圖明晒！Apple Watch 官方導購指南五星級服務、試到超貴氣Edition！版主分享 Apple Watch 門市試戴體驗！