主題:十蚊掃貨! 版主、網友齊格價! 電腦展 2015 表列最優惠產品 (不停更新)

  • 發表時間:2015-08-20 18:30
    話說一年一度的香港電腦節 2015 又係灣仔會議展覽中心開始 (21/8-24/8),小弟當然第一時間為大家搜羅下究竟會展裡面有咩好買。最大發現係場內竟然有 10 蚊掃貨區,同埋好多得意既科技產品!最重要一樣野,今年 ePriceHK 為網友們準備左一個優惠情報系統,等網友們唔使搵餐飽。小弟會為大家不定期更新情報系統,如果網友們都有平野益大家,不妨留個言寫低資料,等小弟入落系統造福人群嘛~

    十蚊掃貨! 版主網友齊格價! 電腦展最優惠產品 (不停更新)

    最抵搶係咩? 電視 + 手機
    唔少朋友問我,今年電腦節最抵買係咩? 如果計埋限量限時優惠的話,應該係 Letv 樂視既 HK$1999 元搶購 40 吋電視 + Le 1 手機工程版,電視 + 手機都係二千有找,唔係最抵係咩? 但呢個有限量 150 套,未必人人排到隊買到。Letv 樂視現場都有手機比大家試玩,除左唔到港既 Le 1 外,旗艦 Le Max 都會放置係會場內比大家試玩。

    十蚊掃貨! 版主網友齊格價! 電腦展最優惠產品 (不停更新)
     ▲ 樂視攤位會有某版主最愛既「同女女玩自拍」 icon

    3D Printer 即場整比你睇!
    其實現場大部分攤位都未整理好,參展商都異口同聲話今晚肯定要開通頂車之餘,甚至聽日早上都要收拾埋現場先見得人。繞場後發現最吸引我莫過於 3D 打印機,皆因有工作人員會係現場示範比大家睇,究竟一舊 3D 打印成品係點樣造出黎。

      十蚊掃貨! 版主網友齊格價! 電腦展最優惠產品 (不停更新) 十蚊掃貨! 版主網友齊格價! 電腦展最優惠產品 (不停更新)
    ▲ 微波爐大小的家用 3D 打印機器,定價港幣 4680 元,會場購買贈送額外兩盒打印原料;連飛龍都打印到出黎,效果唔錯!

    400 蚊平價航拍方案
    你想玩航拍? 會場內有 Syma X5SW 航拍套裝賣 399 咋,比街價平一截! X5SW 支援手機實時預覽,四軸飛行機身,內建 200 萬像素鏡頭,跟機已有遙控,不失為平玩航拍初體驗之選。

    十蚊掃貨! 版主網友齊格價! 電腦展最優惠產品 (不停更新)
    ▲ 充滿電一次可以連續飛行約 6-7 分鐘,鏡頭可拍攝 HD 影片。

    最平 10 蚊戰鬥區
    去電腦節有邊個唔想掃平野,平到 10 蚊先叫做平啦! 場內真係有攤位主打 10 蚊配件區,唔少快速充電線、平板套、觸控筆等手機周邊配件,都係 10 蚊起咋! 入去真係要掃翻幾條線,平時用 USB 線太容易爛啦!

    十蚊掃貨! 版主網友齊格價! 電腦展最優惠產品 (不停更新)
    ▲ 快充線當然唔會 10 蚊咁品平啦,但都係 15、16 蚊,如果量購的話都叫做抵。

    版主、網友齊格價:  ePrice.HK 電腦展 2015 優惠情報系統
    通常我講電腦節優惠,講緊當然唔係要搶要排既「優惠」啦! 小弟今次整左個情報系統比網友們參考,係入場前大概了解下場內產品係咩價錢,避免誤食「天價」貨品。帶翻頭盔先,小弟會不定期更新系統,框架底部有不同的頁面選擇,裡面有齊價錢、邊度買等資料,但未必係最平架! 要最平? 當然係等網友話比我知,等我加埋系統內造福人群啦!


    ▲ 呢度可以根據類別選擇產品。

    立即加入Facebook 專頁,新聞/消息/優惠,最快知。

    01樓 ▲TOP 回列表頁