型格外型設計、支持快充!ASUS ZenWatch 3 抵玩過三星 Gear S3?

左定坤 (Cho Ting Kwan) 2016-12-19 16:03 | 科技新知
講到智能手錶,版主一直都覺得,一定要用圓形錶面,先至夠潮夠吸引力。繼三星 Gear S3 以及 Huawei Watch 之後,終於再有一款吸引到版主的型格手錶現身,佢就係 ASUS ZenWatch 3。到底 ZenWatch 3 賣幾錢,又有乜嘢特別呢?睇下文啦!

ZenWatch 3(Facebook).jpg

華碩首款圓形智能手錶 ZenWatch 3 已經在元朗華碩專門店、各大電器連鎖店以及電腦廣場正式上市,建議零售價為 $2498,相比 Gear S3 便宜不少,又能唔能夠吸引到網友呢?ZenWatch 3 採用了精品級 316L 白鋼精心雕琢,其獨有的冷鍛製程較傳統鍛造提升 82% 強度,能夠更有效保護手錶。ZenWatch 3 推出分別搭配意大利車縫皮革錶帶: 煙燻黑錶帶配以槍黑色錶身; 象牙白錶帶則配上銀色錶身。而錶身側邊亦設置三顆實體錶冠按鈕,既可令操作更方便,仲能夠快速存取 ZenFit 活動追蹤應用程式,或透過 ZenWatch Manager 自訂個人快捷功能。

ASUS ZenWatch 3已於12月15日起於元朗華碩專門店、各大電器連鎖店、電腦廣場正式上市.png.jpg

ASUS ZenWatch 3 配備了最新 Qualcomm Snarpdragon Wear 2100 處理器,較前一代 S400 處理器耗電率降低 25%,使用時間最長可達兩天,搭配內置的全新省電模式 Eco Mode,一鍵即可提升 200% 電池續航力,或可於不想被打擾時直接關閉網絡和提醒功能。另外,ZenWatch 3 亦配備了華碩獨家 HyperCharge 快速充電技術,只需 15 分鐘即可充電至 60%。ZenWatch 3 採用了 Android Wear 作業系統,可用於 Android / iOS 手機作配對。唔知大家對於呢款手錶有沒有興趣呢?

最新新聞