主題:睇 A 片都要有教育意義!成人網站 Pornhub 成立「性教育中心」!

ePrice HK
  • 發表時間:2017-02-04 15:47 收錄檢舉
    相信大部份網友,無論你係男定係女,都曾經上過成人網站睇 A 片。唔使怕醜,睇 A 片乃是平常事,有睇唔怕講!XD 網絡上成人網站何其多,但你有無見過,A 片網站會開埋「性教育中心」?我見過,我真係見過!著名成人網站 Pornhub,近日就成立了一個「性教育中心」,教大眾一些健康的性知識。睇 A 片都要有教育意義?睇下文啦!

    睇 A 片都要有教育意義!成人網站 Pornhub 成立「健康版」!

    同平時的 Pornhub 不同的是,以前 Pornhub 淨係會提供一些情慾影片,好唔健康,但最近佢就突然成立左一個全新的網站,叫「Pornhub Sexual Wellness Center」,目的係為左灌輸一些正確的性觀念訊息俾大眾。網站主要分為兩個區域 - Get Healthy 以及 Sexuality,前者係講解男性、女性、跨性別人士的身體構造,以及介紹唔同性病的症狀以及點解決,而後者則教大眾兩個人拍拖的正確態度,以及有啲乜嘢需要注意。甚至乎,Pornhub 更請來多名專業醫師、心理醫生,在網上為大家解答疑難雜症,成件事變得好健康!
     

    表情 #5


    Pornhub 一方面繼續提供海量 A 片俾大家「欣賞」,另一方面又會灌輸一些正確觀念,對於佢哋呢個做法,網友有啲乜嘢意見呢?留言講下啦!

    來源: T 客邦 | Pornhub

    立即加入Facebook 專頁,新聞/消息/優惠,最快知。

    01樓 ▲TOP 回列表頁