係今日 HGC 新名發佈會上，佢哋都有介紹未來業務發展，當中第一個業務重點，都係住宅寬頻，講明會繼續推出不同嘅服務組合，更與 3 香港手機網絡部份一樣，會針對網絡遊戲作進一部發展。此外，也會發展 5G 網絡與 IoT 網絡嘅支援。但因為合約上嘅關係，新 HGC 不會係香港推出移動業務，想維持中立位置，不會走上街賣 SIM 卡。
▲ HGC 不再解 Hutchison Global Crossing 之後，到底解乜？高層都無講，總之英文就叫 HGC。中文名叫環球全域電訊。口號會係：擁抱科技，享受通訊，擴闊生活。
至於會否立即停用 3BB 3Broadband，HGC 管理層表示，其實固網一直由新 HGC 負責銷售，佢地會慢慢做 Revamp，例如佢地已取回 hgcboardband.com 及其他 HGC 組合嘅 Domain Name，未來有機會採用，暫時都未有加價或減價嘅計劃。暫時來說，版主 Check 過 3 寬頻還未改名，但其實已跟 3 香港和記電訊沒有最直接關係了。