主題:支付寶、微信優勢只得無限錢!HKT 推革命性智能 POS「收錢易」!

ePrice HK
  • 發表時間:2018-10-06 00:00 收錄檢舉
    支付寶、微信好勁,香港來來去去得八達通,好落後!先不談香港人用 Visa Paywave,MasterCard Paypass 有十年了,所謂「二維碼」支付的「高科技」隨著香港政府推出「轉數快」及 HKQR,支付寶、微信優勢只得無限金錢,用小恩小惠引人用 (包括商戶及用家優惠)!以前什麼幫全個街市都裝晒收錢機,但只數支付寶,今日 HKT Merchant Services 推出一個革命性嘅收錢機「收錢易」,一部可以連上 WiFi、4G LTE 嘅 Andorid POS 機,可以收齊信用卡,全港支付工具包括支付寶HK 及 WeChat Pay 仲有八達通嘅 Payment,仲有 HKQR 打通全港銀行「轉數快」,做商戶嘅你,仲因為支付寶,WeChat Pay 的小恩小惠只裝佢一部機,遲早被香港人嫌棄。

    支付寶、微信優勢只得無限錢!HKT 推革命性智能 POS「收錢易」!
     

    打通全港支付工具及有參予「轉數快」的銀行

    唔知大家有無睇過我哋預備嘅「轉數快」攻略,無嘅話,版主強烈要求大家睇一睇,因為「轉數快」係好方便,令大家進入唔需要再帶現金的第一步,因為就算你唔用什麼支付寶、WeChat Pay、TapNGo,你都可以透過當中的 HKQR ,透過你的銀行 App 俾錢買嘢。當然,你亦可以透過「轉數快」在不同銀行,各大支付工具之間,過錢入錢。

    HKT Merchant Services 今日推出一部以 Android 系統智能 POS 「收錢易」! POS 即 Point of Sale 是一間舖頭嘅收費系統,傳統嘅店舖,會係一部收銀機,不少已用了電腦做 POS。呢個智能 POS 變了一部可以四圍行嘅收銀機,因為佢內置了 WiFi 及 4G LTE 通訊模組,真係戶外快餐車都用到。

    呢部「收錢易」最強之處,是乜卡都收得!呢個卡字,已唔止係信用卡,佢可以為商戶廣展至收八達通,支付寶 HK、WeChat Pay,最重要是連接「轉數快」,透過 HKQR code,令大部份銀行 App 都變了俾錢卡,真係用任何一個電子方式收錢,佢都有晒。

    支付寶、微信優勢只得無限錢!HKT 推革命性智能 POS「收錢易」!
    ▲ HKT 呢部「收錢易」係一部 Android 裝置,再外加不同模組造成,令佢可以支持不同的電子收費方法,包括圖中的信用卡,不但可以用 contactless 嘅 paywave,仲可以用傳統嘅刷卡,或插入晶片。

    支付寶、微信優勢只得無限錢!HKT 推革命性智能 POS「收錢易」!
    ▲ 用家亦可用八達通付款,速度極快,拍一下卡,炒內完成交易。

    支付寶、微信優勢只得無限錢!HKT 推革命性智能 POS「收錢易」!
    ▲ 這也包括最新嘅 HKQR,令支援「轉數快」嘅銀行 App,可以透過照收銀機嘅 QR Code 俾錢。

    商戶來講,一部機攪掂晒全部 Payment ,唔駛一部碌卡機,又一部八達通機,再加一個支付寶 QR 紅外線機,好方便;我哋行街街嘅客人來講,就用乜俾錢都得!一機攪掂,中國大陸先進 payment 系統得唔得?我都想知,有無網友話我知?
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁