主題: 國泰航空全新 Gogo Air WiFi 實試!速度快到可以睇高清 YouTube

  • 發表時間:2018-10-21 17:29 收錄檢舉
    早前國泰航空宣佈將會在 2018 年年中開始喺所有 Airbus A330 及 Boeing 777 寬體客機上裝上 inflight WiFi (航班上的無線上網服務),令到大家可以喺空中繼續「機」不離身,同陸地保持聯絡,仲可以不停睇料睇資訊。Wilson 喺上個星期由德國法蘭克福飛往香港嘅國泰航班上,意外地坐上一班新改裝  3-4-3  座位嘅 Boeing 777-300ER 客機。3-4-3 座位好多人唔 Like,但今次我想講嘅係佢哋嘅全新 GoGo In flight WiFi 服務,由於該航班係 Day Fight 嘅關係,所以我由上機一刻已經上網到落機,同時煲左 10 集第一輯衝上雲霄,又上網又睇戲之後,再同大家分享一下今次國泰航空​安裝全新 GoGo In flight WiFi 系統好唔好用,速度快唔快。

    國泰航空全新 Gogo Air WiFi 實試!速度快到可以睇高清

    可以係中國大陸領空接駁  WiFi
    有別國泰係 Airbus A350 型號上面安裝嘅 WiFi 系統,係 Boeing 777 型號用上另一家 WiFi 服務供應商:來自美國嘅 Gogo Air Inflight WiFi。而 A350 機種採用嘅 Panasonic。其實,Airbus A350 係上網及視聽方面,會比 Boeing 777 改裝機多攪作,除了有 inflight WiFi,你亦可以用到手機網絡商嘅航空漫遊,用手機及 SIM 卡上網兼收埋 SMS (現時來講,飛機上面,係唔可以打 Voice Call 或者 VoIP,包括 WhatsApp Call 都係唔可以嘅);而 A350 機上,亦有提供衛星電視,係國泰航空嘅 A350 航班,就提供了 BBC,CNN 及 Euro News 三個直播衛星台。你坐 Boeing 777 喺北極區(往北美的航班常會飛越)、印度及南印度洋上不設無線網絡服務,而 Airbus A350 只係喺北極區不提供無線網絡服務。想特別一提, 國泰航空係中國大陸領空,已提供到 WiFi 服務,即係就算你係往返歐洲,大部份時間都用到 WiFi 上網架!睇落又好似 A350 嘅 WiFi +上網配套好一 D,但 Boeing 777 嘅 Inflight WiFi 付款方法,支援埋支付寶,連強國人要上網都方便好多。

    咁係國泰新裝嘅 Boeing 777 Inflight WiFi 上網速度如何 ? 相對幾年前只可以 Send email 同 Text message 黎講已經好好,今時今日,速度甚至可以睇 YouTube 片添!

    國泰航空全新 Gogo Air WiFi 實試!速度快到可以睇高清
    ▲ 今次我坐嘅係改裝過嘅 Boeing 777-300 ER,用上全新座椅,但變為3-4-3 座位排列。有人話個位太窄,但其實服務部份多了不少,包括 Inflight WiFi。

    國泰航空全新 Gogo Air WiFi 實試!速度快到可以睇高清
    ▲ 價錢方面, 國泰係 Boeing 777 機型提供嘅 WiFi, 短途嘅收費為 US$12.95 全程 (約 HK$101, 上面係香港至日本東京嘅例子),而長途為 US$19.99 全程 (約 HK$155) ,如果你係歐洲嘅 day flight 回程返香港應該可以全程有精神地上網。

    國泰航空全新 Gogo Air WiFi 實試!速度快到可以睇高清
    ▲ 用 OFCA 測速見到,係進入了中國領空,Download 速度都有 13.5Mbps Upload 就有 2.54Mbps,好接近香港 4G 手機上網嘅速度!
     

    國泰航空全新 Gogo Air WiFi 實試!速度快到可以睇高清
    ▲上 YouTube 甚至可以睇到 1080p 嘅片,不過要少少時間 load 下,但至少都睇到 YouTube 片,不過國泰官網表示不適用於瀏覽串流影片,寫明唔支援 Netflix , HBO Go 咁!大家唔好係咁睇片就好啦。

    國泰航空全新 Gogo Air WiFi 實試!速度快到可以睇高清
    ▲ 陸地上速度係唔錯,如果海中心會點 ? 有次香港飛往東京嘅 CX548 上嘅測速,可能海中心用上衛星,所以會相對較慢,大約係 3G 上網嘅速度。
     
    國泰航空全新 Gogo Air WiFi 實試!速度快到可以睇高清
    ▲10 個鐘食下野又上下網,其實時間好快過。

    國泰航空全新 Gogo Air WiFi 實試!速度快到可以睇高清

    國泰航空全新 Gogo Air WiFi 實試!速度快到可以睇高清
    ▲ 要知道,航班有否 WiFi,上機前望一望飛機就知道!機頂有無類似咁嘅物體,有嘅話,通常都係用來接收上網訊號嘅天線,用來提供機內嘅 WiFi 服務。

     

    立即加入Facebook 專頁,新聞/消息/優惠,最快知。

    01樓 ▲TOP 回列表頁