主題:國泰航空出補鑊招,送 12 個月 Experian 身份監察服務!申唔申請好?

ePrice HK
  • 發表時間:2018-10-25 22:47 收錄檢舉
    國泰航空早前宣佈有九百萬個乘客資料曾被未獲授權的取覽,而今日國泰開始向乘客發出電郵通知,大家就會知自己中咗幾多獎!版主本人呢,電郵地址、身份証號碼、姓名及國籍都被人看光光了!根據  Facebook 朋友留言,有人乜事都無,但亦有人有多至七項個人資料被取覽!點算好?老實,都唔知點算好了 ......

    國泰航空出補鑊招,送 12 個月Experian 身份監察服務
    .
    .....細心睇番份  Email ,CX 安排咗免費一年嘅身份監察服務,只要你按掣去申請,一年內,你嘅資料若被公開,會有人通知你再出事。問題係,你嘅個人資料,又會轉移至另一間公司,你信佢好定唔信佢好  is a question  啦!你點睇?

    今日國泰航空派彩 ,收到  Email,你就會知自己有幾多資料被未獲授權取覽。而  Email  中,國泰亦提及一個補救方法:


    佢哋係咁寫:


    ......我們 (國泰航空) 將在適用地區向受影響的乘客提供身份監察服務,該服務將由一間全球資料及資訊服務供應商Experian提供。該服務(IdentityWorks Global Internet Surveillance)將監察您的個人資料是否出現於公共網站、聊天室、博客,以及如暗網等可能造成資料洩漏的非公開網絡平台。

    閣下可選擇是否使用該服務, 並可全權決定提供多少資料作身份監察之用。

    閣下提供給 Experian 的資料僅供 Experian 用作提供身份監察服務。該資料亦不會被發佈予其他機構.......


    進入呢個網址,如 https://www.globalidworks.com/identity1 並點擊 “Get Started “按鈕啟用該12個月的免費服務。閣下可以輸入閣下的啟用號碼 (人人不同) 開始使用該服務。

    到底,呢個服務有乜用?只要你  Click 入去上面網址,你就會見到下面嘅圖

    國泰航空出補鑊招,送 12 個月Experian 身份監察服務


    就如 Email 中講嘅一樣,只不過係幫你睇住你嘅資料,有無係地下,或其他地方公開出來,若有嘅話,都只係通知聲你,教你點做。其實大約等於收咗呢封 email  一樣,話聲畀你知,已出咗事都幫唔到你幾多。


    不過,送是的,版主就決定一用

    001:係國泰航空發出關是次事件的 Email,會包括一個網址連結 ,Click 入去再按  Get Started
    002 :  記下 Email 中的換領 Code
    003:   在登記網址,貼上換領 Code
    004:   呢個服務 ,你可輸入多至十個  Email Address,Passport ID,身份證號碼,信用卡號碼,銀行戶口號碼,Experian 會幫你 Check 住有無人不合法地用咗你嘅資料!你可以方過佢哋發出嘅  Report 一清二楚,並提供可行解決方法。


    國泰航空出補鑊招,送 12 個月Experian 身份監察服務
    ▲  版主第一個  Gmail 戶口原來中左好招,連 Password 都畀人攞埋。而其中一間非法買我嘅資料係 YouKu,仲有  bit.ly!

    大家又會唔會咁做?齊齊比意見吧
     
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁