主題:港鐵 QR Code 入閘 支付寶 HK 中標!放心,Apple Pay 入站未死!

  • 發表時間:2018-11-16 09:22 收錄檢舉
    港鐵早前為閘機引進 QR Code 二維碼支付招標,結果昨日公佈由支付寶香港版 AlipayHK 獲委任為港鐵收費系統應用二維碼的技術供應商,很快香港就可以搭港鐵時以 QR Code 掃碼出入閘。咁香港咪唔可以好似 London Underground 咁,用 Apple Pay 入閘?唔會!版主話心你知,Alipay HK 新聞稿,唔會話你知嘅事實。

    港鐵 QR Code 入閘 支付寶 HK 中標!放心,Apple Pay 入站未死!

    現時港鐵出入閘很多時會見到乘客掃手袋,到 2020 年則可能會出現掃手機。為港鐵收費系統提供二維碼技術的 AlipayHK 表示,掃 QR Code 出入閘的過程少於 0.4 秒,而且支援雙離線操作,就算在流動網絡訊號較弱,甚至是沒有網絡的情況下亦能夠完成交易。Alipay HK 在今次港鐵標書內,寫明係 2020 年全港 91 個港鐵站都會加入支援 QR Code 出入閘的閘機,為乘客提供多一種支付選擇。

    港鐵 QR Code 入閘 支付寶 HK 中標!放心,Apple Pay 入站未死!

    雖然港鐵未公佈到時的手機掃碼出入閘方案,但早前 AlipayHK 曾經公開展示,用戶只需長按應用程式就會快速生成 QR Code,在閘機前完成交易;而在服務啟用首年,AlipayHK 會使用自行建立的系統,之後會兼容其他電子支付平台的 QR Code。

    即係話,跟本唔會只得支付寶 HK 一家支付工具,成為八達通及單程、月票等外的唯一入閘方法。

    要知道,香港在推出轉數快的同時,已統一了全港二維碼 QR Code,事實上,Alipay HK 最後要兼容全港有提供二維碼支付工具入閘港鐵,照報導,佢地最多得一年甜頭。
     

    另一份標書,更震撼

    港鐵稍後還會有另一份標書公佈結果(如果無流標),這份先係重點!呢份標書涉及更換全港近 2,000 部入閘機,除了支援 QR Code,新閘機還要接受信用卡 paywave 支付,乘客屆時就可以車票、八達通、QR Code 和信用卡 Paywave,甚至 Apple Pay,  Google Pay 都可以乘搭港鐵。

    間間支付工具都有份玩,你仲會用支付寶嗎?我用,只要佢繼續出優惠吧,減車費,無問題!表情 #4

    立即加入Facebook 專頁,新聞/消息/優惠,最快知。

    01樓 ▲TOP 回列表頁