其實是咁的，八達通卡有限公司透露，預計將於 2019 年第一季，推出虛擬 Mastercard，讓 O! ePay 用戶在網購時更加方便。玩法估計是這樣的，例如當你網上購物時，選擇 Mastercard 付款，好似平時般輸入你的信用卡號碼等資料，然後就會直接在 O! ePay 帳戶內扣數。當然，話明係預付卡，你唔入錢落 O! ePay，就扣唔到數，扣唔到數就消費唔到，就係咁簡單。簡單來說，玩法就有少少類似 Tap & Go 吧。
咁既然八達通會推出虛擬 Mastercard，咁係咪代表可以好似一般 VISA / Mastercard 咁，放上 Apple Pay 度用呢？理論上係做到，但實際上未必。有虛擬 Mastercard 都唔代表可以放到上 Apple Pay，就好似之前 Tap & Go 張 Mastercard，都要搞咗一段時間先得，而 Tap & Go 張銀聯就到而家都未上到 Apple Pay。所以，最終八達通推出果張虛擬 Mastercard，係咪可以上到 Apple Pay 呢？暫時只能說是有這種可能性。不過咁，如果最終可以做到呢點，對於網友來說又係咪好消息呢？留言講下啦！