主題:用英文版 YouTube 先會知:呢啲頻道有政府支持?

ePrice HK
  • 發表時間:2019-08-27 20:44 收錄檢舉
    如果你的手機語言用開英文,你或者會發現,睇 YouTube 睇到某些影片時,會多咗一欄顯示畀大家知,到底你睇緊呢個頻道,有無被政府支持!有趣的是,得英文版有,中文版卻竟然無,點解會咁呢?對睇開中文的華人嚟講好唔公平喎!係唔係有乜目的?睇下文啦!

    用英文版 YouTube 先會知:呢啲頻道有政府支持?
     

    以下畀一些截圖大家睇下:


    用英文版 YouTube 先會知:呢啲頻道有政府支持?
    ▲ 大家無理由無聽過 CCTV!唔係講閉路電視呀!係中國中央電視台,係一個國家電視台,咁當然會有中國政府支持啦!所以佢都顯示寫住:「CCTV is funded in whole or in part by Chinese government」(CCTV 頻道是部份 / 全部被中國政府贊助)。

    用英文版 YouTube 先會知:呢啲頻道有政府支持?
    ▲ CCTV 你可能有聽過,但 CGTV 你未必有聽過!你以為佢係一個外國電視台?唔好畀佢呃到,其實佢都係 CCTV  嘅化身,只係抽哂啲外語頻道出嚟,改一改個名扮外國電視台。

    用英文版 YouTube 先會知:呢啲頻道有政府支持?
    ▲ VOA 都係,有政府支持,所以都係會寫住「is funded in whole or in part by Chinese government。」

    用英文版 YouTube 先會知:呢啲頻道有政府支持?
    ▲ 如果好似 BBC  News ,佢顯示句嘢又有少少唔同,就係寫住「BBC World Service is a British public broadcast service.」(BBC World Service 頻道是英國一家公營廣播公司),同 CCTV 有乜分別?CCTV 係主要係由政府贊助,而 BBC World Service 則是一家公營廣播機構 (根據世界電台電視議會的定義,公營廣播機構是指不受制於商業 / 政府利益的傳媒機構),主要資金來自英國國民所繳交的電視牌照費。呢點 YouTube 又真係分得好清楚。

    用英文版 YouTube 先會知:呢啲頻道有政府支持?
    ▲ 香港電台佢都會顯示係香港一家公共廣播媒體。

    用英文版 YouTube 先會知:呢啲頻道有政府支持?
    ▲ 至於好似 HKG 報呢啲 Channel,YouTube 話:無政府支持喎!

    用英文版 YouTube 先會知:呢啲頻道有政府支持?
    ▲ 而本身真係政府機構的話,都不會顯示 Funded by XXXXX 等字眼,例如政府新聞處、The White House 等等。

    歡迎 Follow 我哋 ePriceHK Telegram Channel,收取最新手機、科技及每日優惠資訊。
    立即 Click 入:  ePriceHK Telegram 產品優惠科技資訊頻道
    https://telegram.me/ePriceHK
    Click 入有關 ePrice.com.hk 嘅 Telegram 頻道介紹

    立即加入Facebook 專頁,新聞/消息/優惠,最快知。

    01樓 ▲TOP 回列表頁