華為 X Gentle Monster 智能眼鏡香港會賣！賣價獨家爆 網友會 buy？

左定坤 (Cho Ting Kwan) 2019-09-21 20:35 | 科技新知

記得三月的時候，版主曾經在巴黎華為 P30 系列發佈會上，親身試玩過華為夥拍韓國潮流眼鏡品牌 Gentle Monster 推出的智能眼鏡，原本沒有預計到，香港會推出。但根據版主收到的香港發佈會邀請函，得知這副眼鏡將會在短期內抵港。而版主亦四處收風，得知這副智能眼鏡賣幾錢。立即話畀大家知咩價錢啦！



根據版主收到的消息，得知華為夥拍 Gentle Monster 推出的智能眼鏡，將於 9 月 25 日香港開賣，建議零售價會為 $3050。呢個價錢買智能眼鏡，係咪值得？咁就要睇下呢副眼鏡有甚麼用。



華為今次推出的這副智能眼鏡，並沒有內置相機，外觀上跟一般的眼鏡無異，最主要係內置雙 microphone 以及喇叭，可以讓用戶點擊眼鏡柄，就能夠接聽電話。另外，呢副眼鏡支持 IP67 防水防塵，內置電池容量為 2200mAh，只要放入眼鏡盒就可以無線充電，而眼鏡盒則需要透過 USB Type C 充電。