一文解釋乜係 VPN!真係唔怕封網?唔怕上網對話被起底?

Keith Yim 2020-05-22 13:29 | 科技新知
嘩嘩嘩!世界末日!早兩個月大家搶口罩,今日大家話題除咗買金、買銀定買美金保值好,係 Tech 界呢三個字,成為大家突然好想用,又唔知係咪真有用嘅服務代名詞:VPN。聽說,之後香港會封網,有好多網站你再睇唔到,用 VPN 就掂。又有話,上網言論可能被追究,有 VPN 無有怕?係咪真係咁?呢篇文,話你知,順手介紹埋我哋推介嘅信任度高嘅 VPN。睇完大家再視自己嘅需要去申請。至於買金定買銀,定係走佬,我就答唔到你了。

vpn-fb.jpg
VPN 的 ABC 
VPN :  Virutal Privacy Network 虛擬私人網絡,簡單來講,就是幫你穩藏自己的網絡位置。每一個人上網都有一個特定的紀錄,叫做 IP Address,有 IP Address 會知你來自何方,包括你的真實位置。用了 VPN,你的 IP Address 會被改頭換面。有何實際用途?不少網絡應用,會有地方鎖,例如你係香港睇 Netflix,佢哋會依據你嘅 IP Address 實際地點,分派內容,你係香港上網,會有香港區 IP Address,就只睇到給予香港內容。用 VPN,就可以透過連接 VPN 伺服器,假裝你不在香港,變為其他地區的人。同樣地,用咗 VPN,你的真實 IP Address 會被穩藏起來,從而做到隱身效果,所以,有用 VPN 的話,可以收埋自己的網絡真身...不過,道理又不是這麼簡單,你要再清楚知多一點 VPN 實際原理。
 

網絡發言會曝露你的真身

首先,要簡單講一下,網絡發言會如何曝露你的真身。 任何市民上網,不論是用手機數據上網,或者家用寬頻,不論是有線 / 無線上網方式,只要連接上互聯網都必須經過 ISP (Internet Service Provider)的伺服器,也就是你每一個連接請求,例如你最愛睇新華網、大公網、蘋果日報、連登或者用過 Telegram、WhatsApp 或 Facebook,其實 ISP 都清楚知道你幾時幾秒連接過乜網站。

這樣,在 WhatsApp、Facebook、Telegram 討論區我的發言內容呢? ISP 都知道嗮你去咗邊個通訊軟件,或者討論區,只係如果涉及加密了的內容,例如 WhatsApp 的私人對話、Telegram 的私人對話 (不包括群組發言)  就無法在遠端知道你睇或討論的實際內容。

網上發言真身曝光
上面也有提及,你在各大討論區發言呢,其實各大 ISP 或手機網絡商,都知道你在什麼時間連接到討論區,而討論區的伺服器,會有盡你留言的記錄、包括用什麼裝置發布留言(例如華為 P30 Pro 或 Chrome + Windows 電腦)、以及你連接的 IP 地址。

簡單來說,你發言內容,你的真身,其實有心人或者有,做法就是(簡易解釋版):

736873c4-34a6-4dd3-813d-691904cb6df9.jpg

在討論區的伺服器內,獲得某留言發布的 IP 地址和使用裝置資料; 根據 IP 地址在 ISP 伺服器查探、該 IP 使用者的註冊登記資料。如果是家用寬頻,就查到你的戶主登記資料;如果是流動數據月費計劃,就能查到登記用戶的個人資料,結合實名購買的手機和 SIM 卡信息(詳情參閱這裡)。可見有權力及器材的人,要捕捉到你本人真身易過單手打飛機!
 
使用 VPN 隱藏 IP 地址
參與網上討論,除了注意不要洩露自己的個人信息外,也可以使用 VPN 保障自己。這樣,用了 VPN 有乜好處? 可以點樣保護自己私隱?

4810b0b4-481b-49a3-bfe6-21f730770aef.jpg

​如果採用 VPN 服務,例如我哋上年七月已介紹過 ProtonVPN  ,其伺服器放在瑞士,那麼你上網的連接路線從 ISP 先經過瑞士伺服器,自動變成瑞士 IP 地址(視乎選擇的伺服器),自動以瑞士 IP 地址的身份進入到討論區,不論是發言、發圖、發顛,討論區的伺服器只會看到瑞士的 IP 地址而無法直接看到你真實的地址。

聰明的讀者肯定會問:有權力的人,可直接問 ISP 或網絡商拿取用戶身份資料,看到誰進入瑞士伺服器,再配對討論區誰使用瑞士 IP 地址,就能找出留言者的真實身份? 正確。所以,部份收費 VPN 如 ProtonVPN 會有增強服務:就是 Secure Core 安全核心路徑和 Tor 服務!

ba94ba10-2ff4-4678-acf6-c3a4d3fa5bf2.jpg

我盡量將原理簡單化,利用 Secure Core 功能經過多一重伺服器作為跳板:ISP 只能看到你連接去 VPN A 瑞士伺服器,而討論區看到的留言者卻是 VPN B 冰島 IP 地址,兩者就無法匹配。 而 Tor 服務也是相似的性質,中間會經過更多不同的伺服器,好多好多跳板。 Tor 是什麼我就不多介紹,有興趣深入了解的網友請自行 Google 喇,但 Tor 速度慢是必然,因為跳了很多次板先到討論區,保特咁快都無用~
 
窮學生想用免費野?
雖然本 YK 向來強烈譴責貪心用免費野心態的網友,但係好多 VPN 都無 Secure Core 跳版功能。咁如果單純上網留言,仲有一個方案:Tor 瀏覽器! 由 The Tor Project 開發的 Tor 瀏覽器,網友可以在這裡下載及了解更多,利用 The Onion Router 匿名瀏覽技術,將你上網時的信息層層加密保護,所以安全自然就等於慢速。

姐係你在香港用經過某 ISP 服務在某討論區發言,用 Tor 瀏覽器時,你可能會先經過台灣、再殺過去新加坡、然後坐火箭去德國、再回頭到南非,最後進入目標討論區貼上你的偉論。咁樣要追踪你,真係難過知道本 YK 條底褲係乜顏色。

44992f57-2912-4b1c-bbd3-ec718ce4956f.jpg
使用方法好簡單,例如 Android 手機去 Play Store 下載 + 安裝,直接可以用,無腦操作自動連接 Tor 網絡。本 YK 都實測過,上各大討論區的文字討論,速度還算可以接受。老套都要講一句,使用任何 VPN 和 Tor 時請謹記,避免用作多媒體串流娛樂等用途,因為流量消耗大,世界各地有不少人使用這類技術是逃避極權之救命用,請大家不要自私濫用資源。

VPN 推介

嚴重警告位網友,免費 VPN 已被中國企業(絕大部分)和不明國家企業稱霸,而收費公司多為美國企業,亂用 VPN 等於將自己資料拱手奉獻。

我哋推介呢兩款
瑞士 ProtonVPN 服務 | 早前 ePrice 介紹
NordVPN 

最新新聞