一個 Uber 常客,對 Uber 計劃香港設立亞太區總部睇法

Wilson Li 2020-05-26 17:29 | 科技新知
香港目前處於政治及經濟不穩嘅局面,由中美貿易戰、反修例、疫情到國安法,呢一年香港環境唔係一個穩定嘅狀況,但公乘電召車及外送公司 Uber 逆市作出大膽決定,喺香港設立亞太區總部。作為一個 Uber 常客,我有以下嘅睇法。

b1.jpg


Uber 揀香港大力發展

今日 (26/5) Uber 喺公佈打算係香港設立亞洲區總部時,透露咗疫情之一,Uber 生意都唔係太差,例如喺 Uber 電召服務及 UberEats 似乎沒有受到疫情大嘅衝擊,目前已經恢復疫情前七成嘅預訂量。此外,Uber 更公佈會喺香港設立亞太區總部,更會請人就唔同方面研究。到底 Uber 係香港,前景係咪咁明朗?

政府不理采

Uber 來港四年,但其汽車共乘服務至今仍未合法化,由梁振英政府到林鄭政府,Uber 至今都沒有得到決策局嘅首肯。Uber 記者會上曾經透露有交過計劃書畀政府,但由運房局到創科局都沒有得到回應,慘食閉門羹。

近日香港政局因為國安法而升溫,好多人會認為,好似 Uber 呢 D 外國公司,會怕咗國安法,今日 Uber 對記者就住國安法嘅提問似乎沒有一個把握嘅答案。睇見 Uber 喺印太地區發展不太順利,東南亞同埋印度有對手 Grab (東南亞 Uber 其實已賣掉給 Grab)  基本上,Uber 喺東南亞已被趕盡殺絕。喺北亞地區,Uber 似乎得台灣同香港仲有發展機會。由於本地的士業界不思進取及服務問題,令到 Uber 喺香港有機會提升市場市佔率,但喺政策上沒有得到政府嘅支持,早前台灣差點要關閉,而香港就處於灰色地帶,目前 Uber 是否立法都係等待緊官司喺終審法院定奪,一旦 Uber 喺司法上失去優勢,行政上沒有得到首肯嘅,基本上需要撤出。

最後係 9 月立法會選舉影響,唔排除有機會令政府改變政策,但需要睇 Uber 如何同的士業界合作。國安法嚟到香港,投資者係咪有信心,政府可能需要穩固現有政治能量去維持管治合法性,從而給予的士業界優勢,都會阻到 Uber 進入香港。從政治到經濟,我覺得 Uber 情況其實是告急多過平安,對未來都未有好嘅政治研判,即使香港有好嘅人才,都會因為未有好嘅政治經濟環境,所有建議同研究成果可能付諸東流。Uber 還想香港開總部,大力發展?挑戰十分多呢。

最新新聞