主題:網友投訴 VB 虛擬銀行: 螞蟻銀行(香港)驚爆鎖客資金疑雲?

  • 發表時間:2020-10-08 12:43
    呢期最熱爆的話題絕對係香港一眾虛擬銀行 (Virtual Bank) 推出各種優惠吸新客,本 YK 亦係 ePriceHK 的 Patreon 收費平台上介紹過各大 VBs 的背景以及狀況。 好多網友都心思思立刻開晒咁多個 VBs 帳號,務求將著數一網打盡。 但今日就有網友打黎求助,話螞蟻銀行(香港)鎖住佢筆資金無法匯到其他本地銀行的帳號。 咁大件事、係咪真架? 事先爆個結局先:本 YK 已經即時光速協助佢解決左個問題。 咁到底係乜事呢?

    網友投訴 VB 虛擬銀行: 螞蟻銀行(香港)驚爆鎖客資金疑雲?
     

    案發現場

    故事相當簡單,網友 H 幾日前匯款港幣 50 萬元到新開立的螞蟻銀行(香港)戶口,希望享用高息活期存款利息。 但幾日後想將部分資金,轉移到其他本地銀行預備抽新股之用,但發現每日最高轉賬額度只能輸入港幣 20 萬元,無法再提升額度,所以就直接提交轉賬指示,一次性港幣 20 萬元到其他銀行的同名戶口,也是網友 H 本人名下的戶口。 

    但與過往匯款的體驗不同,幾分鐘後目標帳號依然收不到款,網友登入螞蟻銀行(香港)查看才發現款項靜悄悄地被系統扣住,一直顯示處理中。 網友 H 深感不妙,畢竟匯款兵貴神速,錢被扣住又無人主動通知佢發生乜事,所以第一時間找本 YK 求助。而我係無野可以做,只能叫佢打電話聯絡螞蟻銀行(香港)的客戶服務員,我再透過另一個電話旁聽,從旁協助理解事情進度。 

    可能係新營業的銀行的緣故,螞蟻銀行(香港)的客服職員都無辦法講出到底發生乜事,只係話會調查下情況,亦未能回覆到底何時可以解凍有關資金。 網友 H 亦問職員到底需要提交什麼文件解凍? 或者可否沿路退回、取消匯款指示? 但對方一概無法回答,只係著網友 H 掛線等候調查回覆。 呢個時候我提醒網友 H 好爆 SEED 喇,並提出要求高級職員回電,多翻來回抽擊下職員表示留下聯絡方式,主管忙碌完會回電。 再逼多一逼才話半小時內有人回覆。

    呢度等我加把口先:如果我抽新股要等你半個鐘就死 X 得喇,扣住錢唔出唔入咁玩野咩!

    過左一陣,主管登場! 主管果然辦事效率高,一接通電話後就要求核對網友 H 的所有個人資料(但忘記左提供自己的員工編號做記錄核查),然後就話會立刻做解凍操作。有趣的是,網友 H 繼續追問是什麼原因,是否懷疑佢洗黑錢,主管支吾以對話可能係(原來轉翻 20 萬比自己其他戶口都可以洗到黑錢,嘻嘻),然後話呢次係屬於銀行內部隨機抽查,確保匯款的細節正常。係出事後 40 分鐘,終於釐清疑團、錢到目的地。

    網友投訴 VB 虛擬銀行: 螞蟻銀行(香港)驚爆鎖客資金疑雲?
    ▲ 銀行主管回電後,網友 H 提供即時截圖顯示:從 11點 07 分提交匯款指示,到 11 點 47 分依然「處理中」,20 萬元款項被銀行凍結中。

    網友投訴 VB 虛擬銀行: 螞蟻銀行(香港)驚爆鎖客資金疑雲?
    ▲ 在網友即時主動致電查詢的情況下,屬於他的 20 萬元也要在 40 分鐘後才從螞蟻銀行(香港)戶口,匯回自己名下另一個銀行的戶口。(奇怪係 SMS 依然顯示話 11 點 07 分成個轉賬,本 YK 笑了~)

     

    事後報告

    銀行服務最重要係可靠,而且快速 + 準確解決客戶遇到的問題。 本 YK 就覺得螞蟻銀行(香港)算係咁,畢竟是屬於新開業的銀行,你睇埋隔離個銀行連月結單都會出錯。 唔知道下一次螞蟻銀行(香港)客戶遇到同樣凍結資金的情況下,睇下有無職員主動跟進? 需要幾耐時間先收到錢? 

    但有一個更重要的伏值得大家留意,各虛擬銀行的轉賬限制不同,有大有細,而且同傳統銀行的手機服務都有明顯差距。 以前你能習慣幾百萬的轉賬,但在 VBs 的世界裡面暫時只能用十萬做計算單位。本 YK 都順便提供埋常見 VBs 的額度比大家參考下,免得臨時要用錢轉唔出就 GG 了~

    網友投訴 VB 虛擬銀行: 螞蟻銀行(香港)驚爆鎖客資金疑雲?
    ▲ 眾安銀行 ZA Bank 跨行匯款給同名帳號係單日最高 100 萬元,非同名戶口係 30 萬元。

    網友投訴 VB 虛擬銀行: 螞蟻銀行(香港)驚爆鎖客資金疑雲?
    ▲ MOX 銀行單日最高轉賬 25 萬元,注意額度需要同繳費付款攤分。

    網友投訴 VB 虛擬銀行: 螞蟻銀行(香港)驚爆鎖客資金疑雲?
    ▲ 匯立銀行 Welab Bank 每日最高額度係 50 萬元。

    網友投訴 VB 虛擬銀行: 螞蟻銀行(香港)驚爆鎖客資金疑雲?
    ▲ 事先登記確認的戶口額度 100 萬,未有登記的戶口係 10 萬。


    總結
    問題最終得以解決係好事黎。 突然扣住客戶資金固然係嚇死人,但匯 20 萬咁少錢比自己都話懷疑洗黑錢? 實在係笑死人。網友 H 事後都話「怕怕無下次」,亦唔打算再加碼入翻錢落去,佢覺得既然虛擬銀行主打輕裝無分行、低門檻易開戶,無理由轉個錢比自己都會卡住卡住咁。我唯有安撫佢話:你既然用得螞蟻銀行(香港)就預左架啦,新開業的虛擬銀行要包容下,政府叫你共融互愛、建立多元包容社會呀,好似係。

    但網友 H 堅持呢次事件係個別銀行的問題,會繼續用其他虛擬銀行攞著數。 但本 YK 話「著數能使鬼推磨」,萬一螞蟻銀行(香港)出到 2% p.a. 活期,我睇死佢又會轉翻錢落去,哈哈~
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
    • unclechak U11 80分droid turbo90分 艾瘋SE90分
    • 帳號:
    • 發文:1047
    • 經驗:1958
    發表時間:2020-10-12 09:28
    大陸啲網上銀行爆煲爆都驚啦, 有幾多間唔係紅底? 就算唔係, 咁既時勢都唔擔保會唔會頂唔到, 比人(紅)收購
    02樓 ▲TOP 回列表頁
  • 發表時間:2020-10-14 12:38
    為咗拎少少獎賞最後搞到心驚膽跳好好玩? 小心貪字得個貧啦香港人
    03樓 ▲TOP 回列表頁