純開箱:虛擬銀行 MOX 金屬黑卡終於到手!

YKer 2020-11-03 11:04 | 科技新知
終於收到卡了,一張號稱係平民版金屬黑卡的 MOX 銀行預付卡終於到手了! 身爲 MOX 的創始成員之前只係獲發一張普通的藍卡,而早幾個星期終於可以獲安排更換爲黑金屬卡,而本 YK 身爲虛擬銀行風流陣急先鋒,自然第一時間申請更換新卡! 打飛機自 hi 模式啓動、齊齊!.

mox-fb01.jpg

普通版 MOX 預付卡
本來想 cap 翻張之前粉藍色的普通卡比大家睇,但可惜本 YK 原來一早係申請換新卡後就扔落垃圾桶,反而當初舊卡個信封包裝仲係度比大家緬懷下過去,順便對比下高低級包裝的分別 ~

WhatsApp Image 2020-11-03 at 10.46.12 (4).jpeg
▲ 普通卡用的紙封套相當平庸。

WhatsApp Image 2020-11-03 at 10.46.12 (2).jpeg WhatsApp Image 2020-11-03 at 10.46.12 (3).jpeg
▲ 採用「拉出式」活動結構相當有趣,而圖中的粉藍色就係普通卡的色調,但本 YK 個人對藍色無乜好感。


新卡登場 
其實呢張黑卡本身係話頭 3000 個登記會員先有,後來放寬到指定日期內申請都有,所以絕對稱得上係「平民的金屬黑」,市場上其他金屬黑信用卡都有入息申請門檻,又或者甚至係需要邀請信先可以開到卡。 我手上呢款 MOX 預付卡係零費用、零資金門檻,戶口裏面有錢就可以碌,就係咁簡單。

WhatsApp Image 2020-11-03 at 10.46.12 (5).jpeg
▲ 黑色紙盒式包裝,同我一樣具有一定的厚度和深度。

WhatsApp Image 2020-11-03 at 10.46.12 (1).jpeg
▲ 打開紙盒發現,原來藏有另一個質感似麂皮的紙盒;上面當然少不了 MOX 銀行宣傳字句啦 ~

WhatsApp Image 2020-11-03 at 10.46.12.jpeg
▲ 一樣採用「拉出式」活動結構,最盡頭見到就係金屬黑卡本體!

WhatsApp Image 2020-11-03 at 10.46.13 (4).jpeg
▲ 翻開紙盒內格,原來仲有一份說明書;我買張記憶卡都無咁隆重的包裝 XD ~

WhatsApp Image 2020-11-03 at 10.46.13 (1).jpeg
▲ 抽出卡體,上手並無預期中的冰冷感,反而似以前 LG G5 年代金屬底 + 塑膠塗層的觸感。

WhatsApp Image 2020-11-03 at 10.46.13 (3).jpeg
▲ 跟住盒底教學,打開 NFC 和 MOX App 一啪就啓動到張卡,完全唔需要打乜春開卡電話,又或者登入乜網站輸入你卡號之類。 

WhatsApp Image 2020-11-03 at 10.46.13.jpeg
▲ 張卡其實相當有份量,我實測過普通信用卡大約係 5g 的重量;而 MOX 金屬黑卡係 14g 的重量,接近 3 倍份量(但轉賬金額的最高額度無額外三倍)。

WhatsApp Image 2020-11-03 at 10.46.13 (2).jpeg
▲ 大家可能都留意到其實 MOX 預付卡係無刻上卡號、驗證碼之類的敏感資料。本人可以大方咁展示張卡比大家開心下 ~


後記
有無網友都係 MOX 金屬黑卡的會員? 未有卡的網友可能會問用呢張卡係咪會有特殊優惠?其實無,暫時黎講未見到有特殊優惠,同其他會員一樣都係 1% 活期存款,一樣每日只有 25 萬咁少的轉賬總額度,一樣有同等的 CASH BACK 幅度。咁要張金屬黑卡黎做乜呢? 「型囉 ~ 疊馬囉 ~ 英雄主義囉 ~ 」我有,但你有咩?

以前金屬黑卡可能係身份象徵,一個月擁有無限開火權,但身爲小蟻民的本 YK 宜家都有黑卡玩下,咩話? 你話預付卡無得簽大額野? 其實係戶口有幾多錢就有幾多錢開火權,預付卡的好處就係咁。如果 MOX 銀行的工作人員見到我呢篇文,可唔可以同你地老細反映下,每日最高轉賬額度得 25 萬其實太少,你隔離對手都可以轉到上百萬。
 

最新新聞