支付寶 HK 搭車畀錢殺到各大巴士!預告未來會殺入海路!
|
科技新知
支付寶 HK 宣佈 EasyGo 繼早前登陸全線龍運巴士之後,將會全面涉足全港專營巴士,目前已與所有專營巴士公司達成合作協議,並已於部份九巴、新巴、城巴和新大嶼山巴士上安裝二維碼收款系統,會喺短期內於部分巴士路線試行,之後更會全面上線。
而支付寶 HK 亦預告,將會把 EasyGo 服務拓展至海上交通,目前已與個別渡輪服務營辦商達成合作協議。
為咗進一步吸引人使用 EasyGo,支付寶 HK 更即日啟動碼上起行大抽獎,由即日起至 2021 年 1 月 11 日,支付寶 HK 用戶只需完成身分認證並啟動 EasyGo,就可參加大抽獎,並會隨機抽取 1000 名幸運大獎用戶,獲獎者可獲得 $300 EasyGo 電子 Coupon,可以搭車時使用。名單會喺 2021 年 1 月 15 日支付寶 HK 官方網頁公佈。