主題:駛乜等 HKTV 開台! 港產片電影台 即日免費電視體驗

ePrice HK
    • Eddie http://anserbridge.info
    • 帳號:
    • 發文:2575
    • 經驗:7831
    發表時間:2014-10-23 21:23
    傳聞王維基的 HKTV 香港電視 會係 11 月 19 號正式係網上開台,而港視 Apps 已出現係 Samsung 、LG 智能電視介面。不過版主屋企就冇智能電視,唔知又有幾多網友屋企有呢?其實如果唔想等到 11 月 19 號開台,香港一直都有一個免費美亞電影台可以任睇,技術同香港電視 HKTV 既一樣!如果你係兩大韓牌智能電視用戶,連部份收費電視頻道,都 Free 你一年免費。仲睇 CCTVX,今日轉台啦!

    使乜等 HKTV 開台?免費高清電影台即晚睇!


     

    免費港產片電影台,高清畫質即日睇

    可能網友未必記得,係王維基既香港電視開台之前,就一直有個叫 UTV 既網上電視台,入面有幾條唔同既頻道,本來係收費,亦係 Google Play Store 或 Apple iTunes Stores 有自家的 Apps,更有手機、平板與 TV Box 介面。r雖然話係收費,但其實一直都係免費。普通手機用家,Download 了 UTV App,即使不進行註冊用訪客模式登入都可以免費睇到他們的 UOne 頻道跟「美亞電影台」。呢個美亞電影台,同收費電視台的電影台類似,廿四小時不停輪播,因為美亞本身都有拍電影,所以都有D 電視首播戲碼。要留意呢個「美亞高清電影台」同無線收費電視的「美亞電影台」時間表,連解像度都不一樣,無線收費電視版本,只係 16:9 標清,但 UTV 版本係 720p 高清! 

    如果在手機看的話, UTV 的「美亞高清電影台 」播放相當流暢,利用 4G 網絡大約 2~3 秒就進步狀態可以流暢地睇,畫質亦有 720p HD 的水準。不過睇左大約 3 分鐘就用了接近 90MB 的數據量,這樣子計算的話一個鐘頭的影片不就是要接近 2.7GB?!就算香港電視開台之後都會面對這個問題,在室外看網絡電視好快就會面對「爆 Data」的困境,還是在有 Wi-Fi 的情況下看吧。而透過 Android 手機的 Miracast 功能,只要買支 Miracast 手指,插在電視機,一樣可以在電視機裡睇到 UTV.

    其實,UTV App 亦一早內置左係 Samsung 與 LG 的 Smart TV 裡面,今日 LG 亦都宣佈旗下既 Smart TV 可以一年免費睇到 UTV 既幾條頻道,包括韓國娛樂節目 channel M高清頻道、美亞高清電影台、有廣東話配音的國家地理野生高清頻道、衛視中文台、Cartoon Network 卡通頻道 與自家的 UOne 頻道,全部都支援 720p 高清。如果大家是用智能電視的話除左香港電視 HKTV 之外其實仲有唔少選擇,前提當然就係要有一部智能電視啦icon

    使乜等 HKTV 開台?免費高清電影台即晚睇!
    ▲昨天 HKTV 提出有幾種可以免費睇既方法,大家認為邊個方案比較好呢?
     

    好消息: HKTV 有機會支援 Apple TV 或者 Chomecast ?

    雖然尋日 HKTV 官方提出五種不同既方案可以睇到免費既香港電視,不過睇電視當然要係大屏幕睇先過癮架啦!對於冇智能電允同埋冇 Android TV Box 既網友黎講,除左買個超特大既電腦屏幕(或者將電腦駁電視)之外,遲下可能有其他新方案。今日 HKTV 香港電視既 Facebook 就問大家,遲下想香港電視既 Apps 支援 Apple TV 定係 Chromecast ,相信夠網友反映既話,重視民意既香港電視一定會將佢實踐出黎既!係咪?

    使乜等 HKTV 開台?免費高清電影台即晚睇!
    ▲網友們留左言反映意見未?版主想要的是 Chromecast 啊

    UTV Google Play Store 下載點按此
    UTV iPhone 版下載點:按此
    UTV iPad 版下載點:按此

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2014-10-24 12:39
    其實有無hktv或tbv,都好多年無睇cctvb啦。
    我寧願上網,屋企人都係睇下外國和大陸電視台。  cctvb 無競爭,節目都無人地湖南浙江衛視好啦。


    香港d 電視台都是垃圾台。
    02樓 ▲TOP 回列表頁