HKTV 香港電視 Android Apps 正式上架！有免費內容可以睇住先！
HKTV 香港電視唔係話 11 月 19 號先開台咩？其實今日想睇 HKTV 香港電視而家都得，事關佢地已經將官方的 Android Apps 上架，只要係 Google Play Store 下載免費 Apps 就即刻睇到。版主已經下載了來試睇，當入了 Apps 之後佢會叫你註冊成為 HKTV 香港電視會員，不過暫時唔需要登入都睇到直播內容，估計這個會員制度是為了日後網上商城作準備的。就算唔係用緊 Android 手機既網友都唔需要失望，因為佢地同時開始了電腦版的測試，只要登入這個網址就同樣可以看到節目，版主試過 iPad 上面用 Safari 都播到，不過唔可以用盡全屏幕，效果還是差一點的。
可惜暫時 HKTV 香港電視仍未上載他們自家制作的劇集（我要睇《選戰》啊！
），不過就上載了一套韓國劇集《不屈的兒媳》和動畫《魔法少女小圓》，版主同 4G LTE 上網都可以流暢地播放高清影片，唯獨就是相當花 Data 就是了，大家還是用 Wi-Fi 來看吧。另外 11 月 7 號至 11 月 9 號的晚上 10:00 ~ 11:00 ，他們會在直播頻道試播劇集去測試伺服器，換句話說最快今晚就可以睇到 HKTV 香港電視的自家節目，網友們仲等乜？用緊 Android 機的即刻去下載啦！
▲除了直播頻道之外，亦有一些免費的內容可以看，這是以 Video on Demand 的方式收看，畫質是高清的水準；另外亦可以透過Facebook 、 Line 、 Whatsapp 等分享影片連結
▲ iPad 唔用 Apps 其實都睇到，但效果沒那麼好
▲係今個星期五、六、日 ( 11 月 7 日至 11 月 9 日）晚上 10:00 ~ 11:00 都有 HKTV 的系統壓力測試，大家可以試下多人睇直播既時侯會唔會 Lag ，用緊 Android 手機／平板既網友可以去下面連結下載 Apps
HKTV 香港電視
下載：Google Play售價：免費