SmartHKTV Box 搶先睇
簡單一句，所謂一開即睇 HKTV 的 smartHKTV Box，其實跟小米盒子、樂視盒子都係用 Android 系統的互聯網盒子，透過「 HKTV 直播」app 及連上互聯網睇到 HKTV 的直播節目。不過，smartHKTV Box 開發者好驄明，將呢個電視盒子包裝成全城最簡單易用的睇 HKTV 利器，插上 LAN 線、開著部機，駁埋電視機，版主試過三十秒即睇 HKTV 直播，簡單有如開電視機。但若果你跟版主一樣，想用盡佢，無問題，因為 SmarHKTV 的 Port 位好齊，標準 USB 位就有兩個，一個插 keyboard，一個插 Mouse，就變成小型電腦一樣。由於跟機送遙控器，簡單的英文輸入也做得到，版主就一個 USB 插 Mouse、一個 USB 位插 USB 記憶手指。smarHKTV 介面好簡單，開機進入一個兩合一版面，不理他自動跳入 HKTV 直播，但你用遙控點一點，即進入 Launcher，相比好多破解版小米盒子也會用的兔子桌面，smartHKTV 介面比手機更簡單，預載有「泰捷視頻」讓你睇 HKTV 以外的電影及劇集、File Manager 等你管理安裝檔 apk、Android 本身的音樂及圖片介面。版主更裝了了破解版 myTV、Spotify、之前介紹過，有免費高清電影台的 UTV、甚至 Facebook、MXPlayer 用來播放 USB 手指內的影片。速度呢？SmartHKTV 的規格不算好高，使用上一定沒有高檔手機咁順，但以上 Apps 都用過，也用得到！
▲ smartHKTV 只有白色一款，有說好難親到多數都係黑色的電視機，大家點睇？
▲ 比起小米盒子，多了一條天線，有助收發 WiFi 訊號。
▲ smartHKTV 有三色線輸出、兩組 Standard USB、一組 LAN 及一組標誌 HDMI 插口。由於連三色線輸出都有，就算你部電視機比較舊，一樣接駁得到。當然，三色線輸出一定無用 HDMI 畫面咁清。而兩組 USB 也方便接駁 Mouse、kyeboard 甚至 USB 記憶體。
▲ 這是紅外線埠，用來接收遙控指令，另有指示燈，提醒已著了機。
▲ 跟機的遙控器。
▲SmartHKTV 大件嗎？比起 Now TV 的高清解碼器還細呀。
▲ 遙控器亦比 NowTV 的遙控器細些少。
▲ 只要一開機，等廿秒左右，就會呢個畫面，不理會它會直接跳入 HKTV 直播 App、只要用點一點遙控 ok 掣，就進入 Apps 介面了。
▲ 半分鐘即睇 HKTV，真唔真架，去片啦！
▲ 就係咁簡單的 Apps 介面，你可以透過 USB drive 及送的檔案管理員 App 把 Android 應用程式的 APK 檔，安裝在 SmartHKTV Box 內。版主也裝了不少 Apps。
▲ 呢間電視台的節目，我只係會睇「愛回家」。其他，No 啦，尤其係新聞，真係不值一看。
▲ 跟機已有「泰捷視頻」，有無網友會用？我真係麻麻地。
▲ 只要把歌曲放在 USB 手指，再插上 smartHKTV Box，電視機也可以聽歌了。
▲ 跟機有瀏覽器，甚支援 Flash，上到 ePrice.com.hk，Yeah!
試玩心得：簡單就是美
版主幾個月前入手過小米盒子第二代，用了幾個星期便賣掉。反正手機用 Miracast Dongle 駁電視都容易啦。玩過呢個 smartHKTV Box，我覺得好處係直接，易用。睇 HKTV 幾乎零難度。據知 HKTV 直播 App 的 TV Box 版本係提供 1080p 的解像度，用 4MBps 頻寬都播得順，唔會窒。版主使用 smartHKTV Box 約兩三小時，沒有 Hang 機、過熱情況，效果不錯。因為 USB 埠足夠，又不用轉駁器，要裝 Apps、駁 Mouse 都得，而進階面也是簡單為主，唔花巧，比起小米盒子，我更加喜歡。其實 smartHKTV 賣價平過小米盒子，入手價 $299，真係抵玩的。Click 這裡有 SmartHKTV box 規格資料
賣價：HK$299 (不連運費)
購買網址：theonemart