▲ HKTV 的 Facebook 留言：「11.19 HKTV 開台及啟播初段，為盡量可以讓最多香港人收看到我地嘅節目，以及確保播放流暢度與穩定性，經 IT 大佬和一眾退庭商議後，我們一致決定暫於開台首週調低至高清 720p，日後按情況，逐漸調高至高清1080p 。」而上述亦提及用不同器材觀看 HKTV 需要的頻寬。版主係呢到要做溫馨提示，因為大家都想搶閘睇 HKTV，可能有網友在平板電腦或手機用了給予機頂盒的 Android Apps。呢個 「HKTV 直播」不但沒有重溫，更要比較高的頻寬，唔係咁啱手機用家以 3G / 4G 或戶外 WiFi 使用，大家記得係 Google Play 重新 search 過 HKTV app。
▲ 其實 TBB 某視像 App 也不過提供最高 720p 的選擇，所以 HKTV 唔算特別差，而 TBB 某視像 App 的 Full HD 1080p 版本只提供給某網絡供應商客戶，受惠者唔多。不過，若果你係限速 3G 計劃的用家，你有無限上網的用量，但速度不及 1Mbps，用來睇 HKTV 會有困難，但某台視像 Apps 只要揀低質素就得睇得到！這樣大家要注意，亦希望 HKTV 稍後能提供 1080p 全高清版，也能提供低清版，因為不少愛睇劇的用家，也只用限速 3G 計劃架咋。